This Week Theater & OTT Release: ఈ వారం థియేటర్, ఓటీటీలో సందడే సందడి..40కి పైగా కొత్త..

This Week Theater And OTT Release: ప్రతి వారం ఎన్నో సినిమాలు, వెబ్ సిరీస్‌లు సినీ ప్రియులను అలరించడానికి సిద్ధమవుతూ ఉంటాయి. ఈ వారం కూడా థియేటర్, ఓటీటీలలో పలు సినిమాలు, వెబ్ సిరీస్‌లు ఆడియన్స్‌ను ఆకట్టుకునేందుకు రెడీగా ఉన్నాయి. మరి అందులో ఏ ఏ సినిమాలు, సిరీస్‌లు వస్తున్నాయో చూసేద్దాం.

ఆపరేషన్ వాలెంటైన్:

మెగా ప్రిన్స్ వరుణ్ తేజ్ హీరోగా నటిస్తోన్న తాజా చిత్రం ‘ఆపరేషన్ వాలెంటైన్’. ఈ మూవీతో వరుణ్ మంచి హిట్టు కొట్టాలని చూస్తున్నాడు. మార్చి 1న ఈ సినిమా తెలుగు, హిందీ భాషల్లో రిలీజ్ కానుంది. ఈ మూవీలో మిస్ వరల్డ్ మానుషీ చిల్లర్ హీరోయిన్‌గా నటిస్తోంది.

చారి 111:

ప్రముఖ కెమెడియన్ వెన్నెల కిషోర్ ప్రధాన పాత్రలో నటిస్తోన్న తాజా చిత్రం ‘చారి 111’. ఇందులో వెన్నెల కిషోర్ గూఢచారి పాత్రలో నటిస్తున్నాడు. దర్శకుడు టీజీ కీర్తీ కుమార్ తెరకెక్కిస్తోన్న ఈ మూవీ స్పై అండ్ యాక్షన్ కామెడీ జానర్‌లో తెరకెక్కుతోంది.

ఈ సినిమాతో పాటు భూతద్దం భాస్కర్ నారాయణ, మా ఊరి రాజా రెడ్డి, ఇంటి నెంబర్ 13, రాధా మాధవం వంటి సినిమాలు మార్చి 1న రిలీజ్ కానున్నాయి.

అలాగే మార్చి 1వ తేదీన బాలీవుడ్, హాలీవుడ్ నుంచి కూడా సినిమాలు రిలీజ్ కాబోతున్నాయి. హాలీవుడ్ నుంచి ‘డ్యూన్ 2’ కోసం తెలుగు ప్రేక్షకులు ఎంతగానో ఎదురుచూస్తున్నారు. ఇక ఈ మూవీతో పాటు బాలీవుడ్ నుంచి అమీర్ ఖాన్ ప్రొడక్షన్స్ నిర్మించిన ‘లాప్తా లేడీస్’ కూడా మార్చి 1న ప్రేక్షకుల ముందుకు రానుంది.

వీటితో పాటు యంగ్ టైగర్ ఎన్టీఆర్ నటించిన ‘సింహాద్రి’ మూవీ రీ రిలీజ్‌కు సిద్ధమైంది. మార్చి 1న ఈ మూవీ రీరిలీజ్ కానుంది. అలాగే.. మార్చి 2న నందమూరి బాలకృష్ణ నటించిన ‘సమరసింహా రెడ్డి’ మూవీ రీరిలీజ్ కానుంది.