Sudigali Sudheer: సుడిగాలి సుధీర్ గురించి ప్రత్యేకంగా పరిచయం చేయాల్సిన అవసరం లేదు. ఒక కుర్ర హీరోకు ఉన్న ఫాలోయింగ్ కంటే సుధీర్ కు ఉన్న ఫాలోయింగ్ ఎక్కువ అని చెప్పడంలో ఎటువంటి అతిశయోక్తి లేదు. అసలు యూట్యూబ్ లో ఏ వీడియో కింద కామెంట్స్ లో చూసినా సుధీరే ఉంటాడు. ప్రస్తుతం బుల్లితెరకు సూపర్ స్టార్ అంటే సుధీర్ అనే చెప్పుకొస్తున్నారు. ఒక సాధారణ మెజీషియన్ గా కెరీర్ ను ప్రారంభించి జబర్దస్త్ లో ఒక కంటెస్టెంట్ గా ఎంట్రీ ఇచ్చి.. అక్కడ నుంచి టీమ్ లీడర్ గా ఎదిగి.. యాంకర్  గా మారి.. చివరకు హీరోగా మారాడు.

తన స్నేహితులు అందరూ కమెడియన్స్ గా సెటిల్ అవ్వగా.. సుధీర్ మాత్రం తనకున్న టాలెంట్ తో హీరోగా మారాడు. గాలోడు అనే సినిమాతో హీరోగా ప్రేక్షకుల ముందుకు వచ్చాడు. ఈ సినిమా మంచి విజయాన్ని అందుకుంది. దీంతో సుధీర్ కు ఉన్న ఫ్యాన్ బేస్ ఏంటో ఇండస్ట్రీలో చాలామందికి అర్ధమయ్యింది. ఇక అదే కాన్ఫిడెన్స్ తో కాలింగ్ సహస్త్ర అనే సినిమాతో ప్రేక్షకుల ముందుకు వచ్చాడు సుధీర్. కొన్ని కారణాల వలన ఆలస్యం అవుతూ వచ్చిన ఈ సినిమా..  గతేడాది రిలీజ్ అయ్యి ఆశించినంత ఫలితాన్ని అందుకోలేకపోయింది. అయితేనేం ఓటీటీలో మాత్రం మెప్పించింది.

Deviyani Sarma: జాకెట్ లేకుండా సైతాన్ పాప.. చూపులతోనే చంపేస్తుందిగా

ఇక ఈ సినిమాలు చేస్తుండడంతో సుధీర్ పూర్తిగా యాంకరింగ్ కు దూరమయ్యాడు. ఆ సమయంలోనే తన మూడో సినిమాను అనౌన్స్ చేశాడు. నరేష్ కుప్పిలి దర్శకత్వంలో సుధీర్ హీరోగా నటించిన సినిమా గోట్. హీరో విజయ్ సినిమాకు ఆ టైటిల్  పెట్టకముందే సుధీర్ ఈ టైటిల్ తో  వచ్చాడు. ఇక ఈ చిత్రంలో సుధీర్ సరసన బ్యాచిలర్ బ్యూటీ దివ్య భారతి నటిస్తోంది. ఇప్పటికే ఈ చిత్రం నుంచి రిలీజైన  పోస్టర్స్, టీజర్, సాంగ్స్ ప్రేక్షకులను విశేషంగా  ఆకట్టుకున్నాయి.

ముఖ్యంగా అయ్యో పాపం సారూ సాంగ్ అయితే యూట్యూబ్ లో ట్రెండ్ సృష్టించింది. సినిమాపై మంచి హైప్ ఉండడంతో.. ఎప్పుడెప్పుడు ఈ సినిమా రిలీజ్ అవుతుందా.. ? అని అభిమానులు ఎంతగానో ఎదురుచూస్తున్నారు. కానీ, ఈ సినిమా  రిలీజ్ కు నోచుకోని పరిస్థితిలో ఉందని సమాచారం అందుతుంది. మొదట గోట్ ను తక్కువ బడ్జెట్ లోనే చేయాలనీ అనుకున్నారట.. కానీ, ఉన్నాకొద్దీ బడ్జెట్ పెరిగి చివరకు రూ. 10 కోట్లు అయ్యిందంట. అయినా  ఇంకా సినిమా పూర్తి కాలేదు. మొత్తం సినిమాను పూర్తి చేయడానికి మరో రూ. 5 కోట్లు కావాలని అనడంతో నిర్మాత చేతులెత్తేశాడని టాక్.

పెళ్లి అయినా ఆ విషయంలో ఆగేది లేదంటున్న హీరోయిన్స్..

ఇక నిర్మాత చేతులు ఎత్తడంతో డైరెక్టర్ నరేష్ సైతం సైలెంట్ గా  సైడ్ అయిపోయాడట. దీంతో చేసేది ఏమి లేక సుధీర్.. గోట్ ను గాలికి వదిలేసి మళ్లీ యాంకరింగ్ వైపు అడుగులు వేశాడు.బడ్జెట్  ఎక్కువ అయినా స్టార్ హీరోలకు అయితే పెడతారు కానీ, మార్కెట్ లేని సుధీర్ కు ఎక్కువ ఎందుకు పెడతారు అని ఇండస్ట్రీలో చర్చలు సాగుతున్నాయి. అనవసరంగా సుధీర్ హీరోగా మారి చేతులు కాల్చుకున్నాడా.. ? ఒక పక్క షోస్.. ఇంకోపక్క కామెడీ రోల్స్ చేస్తూ ఉంటే ఈ పాటికీ వరుస సినిమాలతో బిజీగా ఉండేవాడని అంటున్నారు. మరి ఈ సినిమా సుధీర్ కొంప ముంచిందా.. ? లేదా..? అనేది తెలియాలంటే ఇంకొన్ని రోజులు ఆగాల్సిందే.

Share

• 
• 
• 
• 
• 
•