Sobhita Dhulipala: శోభితా  ధూళిపాళ్ల.. కొన్ని రోజుల క్రిందట వరకు ఈ బ్యూటీ గురించి తెలుగువారు పెద్దగా పట్టించుకోలేదు. ఎప్పుడైతే  అక్కినేని కోడలిగా మారిందో..   టాప్ 1 సెలబ్రిటీగా మారిపోయింది.  నిజం చెప్పాలంటే శోభితా ఏమి అంత పెద్ద స్టార్ కాదు. ఎవరైనా ఇంట గెలిచి రచ్చ గెలవాలి అని చెప్తారు. కానీ, ఈ చిన్నది మాత్రం రచ్చ గెలిచి ఇంట అడుగుపెట్టింది.

బాలీవుడ్ లో  పలు సినిమాల్లో శోభితా  నటించి మెప్పించింది. అందాల ఆరబోత కానీ, ఇంటిమేటేడ్ సీన్స్ కానీ అమ్మడికి కొత్తేమి కాదు.  ఇక తెలుగులో శోభితా చేసినవి రెండే సినిమాలు గూఢచారి, మేజర్. ఈ సినిమాలు కూడా శోభితాకు ఆశించిన ఫలితాలను అందించలేకపోయింది.

ఇక ఇవన్నీ పక్కన పెడితే.. చైతో ఎంగేజ్ మెంట్ అయ్యాక.. శోభితా అందాల ఆరబోత,   ఇంటిమేటెడ్ సీన్స్ ఉన్న సినిమాలు తగ్గించిందనే చెప్పాలి.  త్వరలోనే వీరి పెళ్లి గ్రాండ్ గా జరగనుంది. ప్రస్తుతం శోభితా  నటిస్తున్న చిత్రాల్లో  లవ్ సితార  ఒకటి.  వందనా కటారియా దర్శకత్వం వహించిన ఈ సినిమాలో రాజీవ్ సిద్దార్థ్ హీరోగా నటించాడు.

ఎప్పటి నుంచో షూటింగ్ జరుపుకుంటున్న  ఈ సినిమాను డైరెక్ట్ గా ఓటీటీలో రిలీజ్ చేస్తున్నట్లు మేకర్స్ తెలిపారు. ఈ సినిమా హక్కులను  జీ5  సొంతం చేసుకుంది. ఈ నెల 27 నుంచి లవ్ సితార జీ5 లో స్ట్రీమింగ్ కానుంది. ఇక కామెడీ డ్రామాగా తెరకెక్కిన ఈ సినిమాలో శోభితా ఒక గృహిణిగా  కనిపించనుంది. మరి ఈ సినిమాతో అక్కినేని కోడలు ఎలాంటి  విజయాన్ని  అందుకుంటుందో చూడాలి.

Share

• 
• 
• 
• 
• 
•