Mahesh Babu: సూపర్ స్టార్ మహేశ్ బాబు. సినిమాల్లోనే కాదు రియల్ లైఫ్ లోనూ ఆయన సూపర్..స్టారే. ఏటా అనేక మంది చిన్నపిల్లలకు హార్ట్ ఆపరేషన్స్ చేయిస్తుంటారు. ఇప్పటికే వేలాది మంది పిల్లల ప్రాణాల నిలిపారు. కానీ, ఆ విషయాన్ని ఆయన ఎక్కడా చెప్పుకోరు. రాజకీయ నాయకుల్లా ప్రచారం చేసుకోరు. అయితే, తన సేవా కార్యక్రమాలను మరింత విస్తరించడానికి.. “మహేశ్ బాబు ఫౌండేషన్” స్టార్ట్ చేశారు సూపర్ స్టార్.

మహేశ్‌ బాబు ఫౌండేషన్‌ అధికారిక వెబ్‌సైట్‌ను ఆయన కూతురు సితార లాంఛ్‌ చేసింది. అందరికీ నూతన సంవత్సర శుభాకాంక్షలు తెలిపింది. ఫౌండేషన్‌ కు తన పాకెట్‌ మనీని విరాళంగా ప్రకటించింది. తనలానే ప్రజలు కూడా తమ వంతు సాయం చేయమని రిక్వెస్ట్ చేసింది. సితార షేర్ చేసిన ఈ వీడియో ప్రస్తుతం సోషల్‌ మీడియాలో వైరల్‌ అవుతుంది. ‘తండ్రికి తగ్గ కూతురు’ అంటూ సితారను పొగుడుతూ నెటిజన్లు కామెంట్లు పెడుతున్నారు.

ప్రస్తుతం మహేశ్ బాబు కుటుంబ సభ్యులతో ఫారిన్ టూర్ ఎంజాయ్ చేస్తున్నారు. స్విట్జర్లాండ్ లో న్యూ ఇయర్ సెలబ్రేషన్స్ జరుపుకున్నారు. అక్కడి నుంచే మహేశ్ బాబు ఫౌండేషన్ వెబ్ సైట్ ను ప్రారంభించి.. పాకెట్ మనీని డొనేషన్ గా ఇచ్చారు సితారా. అయితే, ఆ పాకెట్ మనీ అమౌంట్ ఎంతనే సమాచారం మాత్రం అందుబాటులో లేదు.

మహేష్ బాబు ఫౌండేషన్ వెబ్ సైట్ ద్వారా డొనేషన్స్ స్వీకరించడమే కాదు.. ఎవరైనా పిల్లలకి హార్ట్ ఆపరేషన్స్ ఉంటే ఈ సైట్ ద్వారా రిక్వెస్ట్ కూడా పంపొచ్చు.

Share

• 
• 
• 
• 
• 
•