Harish Shankar: టాలీవుడ్ డైరెక్టర్ హరీష్ శంకర్ గురించి ప్రత్యేకంగా చెప్పాల్సిన అవసరం లేదు. నిన్ననే హరీష్ శంకర్ దర్శకత్వం వహించిన మిస్టర్ బచ్చన్ సినిమా ప్రేక్షకుల ముందుకు వచ్చింది. ఈ సినిమా మిక్స్డ్ టాక్ ను అందుకున్న విషయం తెల్సిందే. సేమ్ హరీష్ శంకర్ రొట్ట కొట్టుడు అని, మాస్ మహారాజా రవితేజ నటన కోసం చూడొచ్చు కానీ, కథ ఏమి లేదని, హీరో హీరోయిన్ల లవ్ స్టోరీ అంతగా నచ్చలేదని పెదవి విరుస్తున్నారు.

ఇక ఇవేమి పట్టించుకోని హరీష్ శంకర్.. సినిమా సక్సెస్ సెలబ్రేషన్స్ చేస్తున్నాడు. ఇకపోతే గత కొన్నిరోజులుగా హరీష్ శంకర్ భార్య గురించి వస్తున్న రూమర్స్ పై ఎట్టకేలకు హరీష్ శంకర్ స్పందించాడు. హరీష్ శంకర్- రవితేజ కాంబోలో వచ్చిన మిరపకాయ్ చిత్రం గుర్తుందా.. ? అందులో హీరోయిన్ ఫ్రెండ్ గా ఒక అమ్మాయి కనిపిస్తుంది. బేస్ వాయిస్ తో రవితేజను ఎప్పుడు ఏడిపిస్తూ ఉంటుంది. ఆమెనే స్నిగ్ధ. ముఖ్యంగా హీరోయిన్ తో.. సెకండ్ హీరోయిన్ గురించి చెప్పే డైలాగ్ బాగా పాపులర్ అయ్యింది స్నిగ్ధ.

అదేంటంటే.. తప్పేముందిలేవే.. ఆ అమ్మాయిని చూసావా.. ఎలా ఉంటుందో తంగిడి కబాబ్ లా ఉంటుంది. అమ్మాయిని నాకే అదోలా ఉంటుంది దాన్ని చూస్తే అనే చెప్పే డైలాగ్ అదిరిపోతోంది. ఇక ఆ స్నిగ్దానే హరీష్ శంకర్ వైఫ్ అంటూ వార్తలు వినిపించాయి. ఆ వార్త వినగానే అభిమానులు షాక్ అయ్యారు. ఏంటి.. నిజమా.. ? అని ఆశ్చర్యపోయారు.

ఇక ఈ విషయమై హరీష్ మాట్లాడుతూ.. తాను తన భార్య కాదని చెప్పుకొచ్చాడు. ” సోషల్ మీడియాలో నా భార్య అంటూ స్నిగ్ధ ఫోటో వేసి రూమర్స్ స్ప్రెడ్ చేస్తున్నారు. స్నిగ్ధ నా భార్య కాదు. నా భార్య పేరు కూడా స్నిగ్ధనే. అందుకే ఇద్దరు ఒకటి అనుకుంటున్నారు. మిరపకాయ్ లో నటించిన స్నిగ్ధ ప్రస్తుతం విదేశాల్లో ఉంటుంది. నా సినిమాలో మరోసారి నటిస్తావా అంటే.. రాను అని చెప్పింది. ఇలాంటి రూమర్స్ నా భార్య అస్సలు పట్టించుకోదు.

హీరోయిన్స్ విషయంలో నా సెలక్షన్ పై నా వైఫ్ ఎప్పుడు పాజిటివ్ గానే ఉంటుంది. మీకు మంచి టేస్ట్ ఉంటుంది అని చెప్తుంది కానీ, జెలసీగా ఫీల్ అవ్వదు ” అని చెప్పుకొచ్చాడు. ప్రస్తుతం ఈ వ్యాఖ్యలు నెట్టింట వైరల్ గా మారాయి. ఇక స్నిగ్ద, హరీష్ శంకర్ భార్య కాదు అని తెలియడంతో ఆమె ఏం చేస్తుందో అని అభిమానులు ఆరాలు తీయడం మొదలుపెట్టారు.

Share

• 
• 
• 
• 
• 
•