Dunki Drop 2 : బాలీవుడ్ బాద్ షా షారుఖ్ ఖాన్ – తాప్సీ జంటగా.. స్టార్ డైరెక్టర్ రాజ్ కుమార్ హిరానీ దర్శకత్వంలో తెరకెక్కుతోన్న సినిమా డుంకీ. ఇప్పటికే సినిమా షూటింగ్ మొత్తం పూర్తి చేసుకుని.. పోస్ట్ ప్రొడక్షన్ వర్క్స్ జరుపుకుంటోంది. డిసెంబర్ 21న పాన్ ఇండియా వైడ్ గా సినిమా విడుదల కానుండగా.. మూవీ మేకర్స్ ప్రమోషన్లు మొదలుపెట్టారు. నవంబర్ 2న షారుఖ్ బర్త్ డే సందర్భంగా టీజర్ విడుదల చేసి అభిమానులను సర్ ప్రైజ్ చేసిన మూవీ టీమ్.. తాజాగా డుంకీ డ్రాప్ 2 అంటూ ఫస్ట్ సింగిల్ ను రిలీజ్ చేశారు.

అయితే.. ఈ పాట కేవలం హిందీలో మాత్రమే విడుదలైంది. లుట్ పుట్ గయా అంటూ సాగే ఈ సాంగ్ లో షారుఖ్ తాప్సీ కోసం ప్రేమ పాడుతూ.. లవర్ బాయ్ లా స్టెప్పులేస్తున్నాడు. బాలీవుడ్ లో ఈ పాట ట్రెండ్ గా మారింది. ఐదుగురు ఫ్రెండ్స్ ఇంగ్లాండ్ వెళ్లాలన్న ధ్యేయంతో.. ఇల్లీగల్ గా ప్రయత్నిస్తారు. ఈ క్రమంలో వారికి ఎదురైన సమస్యలేంటి ? వాటినెలా అధిగమించారన్నదే కథగా ఉంటుందని తెలుస్తోంది. ఈ ఏడాది పఠాన్, జవాన్ లతో వరుస హిట్స్ అందుకుని ఫుల్ జోష్ మీదున్న షారుఖ్ కు డుంకీ హ్యాట్రిక్ హిట్ అవుతుందని అభిమానులు ఆశిస్తున్నారు. ఈ సినిమాపై భారీ అంచనాలే నెలకొన్నాయి.

Share

• 
• 
• 
• 
• 
•