Samantha: అనారోగ్యం నుంచి కోలుకొని ఇప్పుడిప్పుడే సినిమాలపై ఫోకస్ పెడుతోంది స్టార్ హీరోయిన్ సమంత. మయోసైటిస్ అనే అరుదైన వ్యాధి బారిన పడి దాదాపు తొమ్మిది నెలలు పోరాడి ఇటీవలే కోలుకుంది. ప్రస్తుతం ‘సిటాడెల్’ అనే వెబ్సిరీస్లో సామ్ నటిస్తోంది. ఫుల్ అవుట్ అండ్ అవుట్ యాక్షన్ థ్రిల్లర్గా వస్తున్న ఈ సిరీస్ను ఫ్యామిలీ మ్యాన్ వెబ్ సిరీస్ డైరెక్టర్స్ రూసొ బ్రదర్స్ రూపొందిస్తున్నారు.
ఇక వెబ్సిరీస్ షూటింగ్లో భాగంగా పలు యాక్షన్ సీన్లు చిత్రీకరిస్తుండగా.. ప్రమాదవశాత్తు సామ్ చేతికి గాయాలయ్యాయి. తన రెండు చేతులు తీవ్రంగా దెబ్బతిన్నాయి. ఈ విషయాన్ని సామ్ స్వయంగా ఇన్స్టాగ్రామ్ వేదికగా వెల్లడించింది.
తన చేతులకు గాయమైన ఫొటోలను ఇన్స్టా స్టోరీలో షేర్ చేస్తూ.. యాక్షన్ సీన్స్ చేస్తుండగా రెండు చేతులకు గాయమైనట్లు రాసుకొచ్చింది. ప్రస్తుతం ఫొటోలు సోషల్ మీడియాలో వైరలవుతుండగా.. నెటిజన్లు ఆందోళనకు గురవుతున్నారు. త్వరగా కోలుకోవాలని పోస్టులు పెడుతున్నారు.