Salaar Ott Date(Telugu film news) :
ప్రభాస్ కథానాయకుడిగా ప్రశాంత్ నీల్ దర్శకత్వంలో రూపొందిన యాక్షన్ థ్రిల్లర్ సినిమా ‘సలార్’. డిసెంబర్ 22న క్రిస్మస్ కానుకగా ప్రేక్షకుల ముందుకు ఈ సినిమా వచ్చింది. ఈ చిత్రం భారీ విజయాన్ని అందుకుంది. బాక్సాఫీస్ వద్ద ఏకంగా రూ.700 కోట్లకు పైగా వసూళ్లు చేసింది.
ప్రభాస్ ఎంతోకాలం నుంచి హిట్ కోసం వేచి చూశాడు. డార్లింగ్ అభిమానులకు ఈ సినిమా 2023లో తీపి జ్ఞాపకాలను అందించింది. ప్రభాస్ యాక్షన్, ప్రశాంత్ నీల్ టేకింగ్ సినిమాను మరోస్థాయిలో నిలబెట్టాయి.
ఈ సినిమా ఎప్పుడెప్పుడు ఓటీటీలో వస్తుందా? చూద్దామని వేచి చూస్తున్న అభిమానులకు శుభవార్త వచ్చేసింది. ప్రముఖ ఓటీటీ వేదిక నెట్ఫ్లిక్స్ ‘సలార్’ను జనవరి 20 నుంచి స్ట్రీమింగ్ చేస్తామని ప్రకటించింది. దీంతో ప్రభాస్ అభిమానులు ఫుల్ ఖుష్ అవుతున్నారు.
గణతంత్రదినోత్సవం సందర్భంగా ఈ మూవీ వస్తుందని నెటిజన్లు అనుకున్నారు. కానీ అంతకన్నా ముందే ప్రేక్షకులను నెట్ఫ్లిక్స్ సర్ప్రైజ్ చేసింది. పృథ్వీరాజ్ సుకుమారన్, శ్రుతిహాసన్, ఈశ్వరీరావు, జగపతిబాబు తదితరులు ఈ సినిమాలో కీలక పాత్రలు పోషించారు.