Saif Ali Khan: సెలబ్రెటీలు కనిపిస్తే చాలు ఫ్యాన్స్ ఎగబడుతుంటారు. సెల్ఫీలు, ఆటోగ్రాఫ్‌లంటూ వారి ప్రణాలు తీస్తుంటారు. వారి ప్రతి కదలికను క్యాప్చర్ చేస్తూ విసుగు తెప్పిస్తుంటారు. కొందరు సెలబ్రెటీలు సహనం కోల్పోయి చేయి చేసుకున్న ఘటనలు కూడా లేకపోలేదు.

ఇక ఇటీవల బాలీవుడ్ కపుల్ సైఫ్ అలీ ఖాన్, కరీన్ కపూర్‌లకు కూడా ఇటువంటి సంఘటనే ఎదురైంది. ఓ పార్టీ నుంచి వారు తిరిగి ఇంటికి వెళ్తుండగా ఫొటోగ్రాఫర్లు వారిని వెంబడించారు. వారి ప్రతికదలికను చిత్రీకరిస్తూ విసుగు తెప్పించారు.

దీంతో సైఫ్ వారిపై మండిపడ్డాడు. ‘ఓ పని చేయండి.. డైరెక్ట్ మా బెడ్ రూమ్‌లోకి కూడా వచ్చి ఫొటోలు తీయండి’ అని అన్నాడు. వెంటనే అక్కడున్న ఓ కెమెరామెన్ ‘‘సైఫ్ సార్ మీరంటే మాకెంతో ఇష్టం.. మీకు పెద్ద ఫ్యాన్‌ని’’ అంటూ గట్టిగా అరిచాడు. దానికి సైఫ్ ‘‘మీరంటే కూడా మాకు ఎంతో ఇష్టం’’ అంటూ లోపలికి వెళ్లిపోయాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది.

Share

• 
• 
• 
• 
• 
•