ManojWedsMounika: కొద్దిరోజులుగా వస్తున్న వార్తలకు ఎండ్ కార్డ్ వేయబోతున్నారు మంచు మనోజ్-భూమా మౌనిక. మరికొద్దిసేపట్లో వివాహబంధంలోకి అడుగుపెట్టబోతున్నారు. పెళ్లి చేసుకొని ఒక్కటి కాబోతున్నారు. శుక్రవారం రాత్రి 8.30 గంటలకు మంచు లక్ష్మి ఇంట్లో వారి పెళ్లి జరగనుంది. పెళ్లి పెద్దగా మారి అన్ని పనులు తన భుజాన వేసుకొని చూసుకుంటుంది మంచు లక్ష్మి.
అయితే పెళ్లి వేడుకను ఫంక్షన్ హాల్లో లేదా మోహన్ బాబు నివాసంలో జరిపించకుండా తన నివాసంలో జరిపిస్తుండడం ప్రస్తుతం చర్చనీయాంశమయింది. మంచు లక్ష్మి తన ఇంట్లోనే పెళ్లి ఎందుకు జరిపిస్తుందనే దానిపై నెటిజన్లు గుసగుసలాడుకుంటున్నారు.
అయితే మంచు మనోజ్ అంటే లక్ష్మికి పంచప్రాణాలు. ఈ విషయాన్ని ఎన్నో సందర్భాల్లో వెల్లడించింది మంచు లక్ష్మి. తమ్ముడి విషయంలో జాగ్రత్తలు తీసుకుంటూ అన్ని సమయాల్లో అండగా నిలుస్తుంటుంది. సొంత కొడుకులా చూసుకుంటుంది. వాల్లిద్దరూ చాలా క్లోజ్గా ఉంటారు. అందుకే లక్ష్మి పెళ్లిపెద్దగా మారి అన్ని పనులు తానే చూసుకుంటుందట. స్వయంగా తన ఇంట్లోనే పెళ్లి జరిపిస్తుందట.