Rashmi Gautam : తెలుగు చిత్ర పరిశ్రమలో ప్రముఖ కొరియోగ్రాఫర్ గా పేరు తెచ్చుకున్న జానీ మాస్టర్ (Jani Master) లైంగిక వేధింపుల కేసులో ఇరుక్కోవడం రెండు తెలుగు రాష్ట్రాలలో సంచలనంగా మారింది. తన దగ్గర ఉన్న మహిళా కొరియోగ్రాఫర్ పై దాదాపు నాలుగు సంవత్సరాలుగా అత్యాచారానికి పాల్పడుతున్నాడని, ఈ విషయం బయటకు చెబితే అవకాశాలు రాకుండా చేస్తానని బెదిరిస్తున్నాడు అంటూ బాధిత యువతి సెప్టెంబర్ 15వ తేదీన రాయదుర్గం పోలీస్ స్టేషన్ లో కంప్లైంట్ చేసింది. ఆ మరుసటి రోజు అనగా సెప్టెంబర్ 16వ తేదీన ఈ కేసును రాయదుర్గం నుంచి జీరో ఎఫ్ ఐ ఆర్ ను నార్సింగి పోలీస్ స్టేషన్ కు తరలించారు. ప్రస్తుతం బాధిత యువతి వయసు 21 సంవత్సరాలు కావడంతో ఆమె మైనర్ గా ఉన్నప్పటి నుంచే తన కామ వాంఛ తీర్చుకున్నాడనే కారణంగా జానీ మాస్టర్ పై పోక్సో చట్టం కింద కేస్ ఫైల్ చేయడంతో పాటు పలు రకాల సెక్షన్ల పై కేసు నమోదు చేసి, చంచల్గూడా జైలులో రెండు వారాలు పాటూ రిమాండ్ లో ఉంచారు.
ట్రోలర్స్ ను రిక్వెస్ట్ చేసుకుంటున్న రష్మి..
ఇప్పుడు ఈ విషయంపై ప్రముఖ యాంకర్ రష్మీ గౌతమ్ (Rashmi Gautam) చేసిన కామెంట్లను జోడిస్తూ.. సోషల్ మీడియాలో వైరల్ చేస్తున్నారు. అసలు విషయంలోకి వెళ్తే ఎప్పుడు సోషల్ మీడియాలో యాక్టివ్ గా ఉంటూ మూగ జీవాల సంరక్షణకు సంబంధించిన ఫోటోలు, వీడియోలు షేర్ చేస్తూ ప్రేక్షకులను అలరించే ఈమె.. తాజాగా తన వీడియోని వైరల్ చేయొద్దు అంటూ విజ్ఞప్తి చేస్తోంది. గతంలో క్యాస్టింగ్ కౌచ్ పై ఈమె చేసిన కామెంట్స్ ను ఇప్పుడు వైరల్ చేయడంతో ఆమె ఈ విధంగా రిక్వెస్ట్ చేస్తున్నట్లు సమాచారం.
కాస్టింగ్ కౌచ్ వేరు.. లైంగిక వేధింపులు వేరు..
అసలు విషయంలోకెళితే, గతంలో రష్మీ మాట్లాడుతూ.. మైనర్ ను లైంగికంగా వేధింపులకు గురి చేయడం, క్యాస్టింగ్ కౌచ్ కి మధ్య చాలా తేడా ఉంది. ముఖ్యంగా క్యాస్టింగ్ కౌచ్ అనేది ఇద్దరు వ్యక్తుల మధ్య వ్యక్తిగత అభిప్రాయాలకు సంబంధించినది. ఈ క్యాస్టింగ్ కౌచ్ అనేది ఒక సినీ ఇండస్ట్రీలోనే కాదు చాలా చోట్ల ఉంది. ఇలాంటివి ఎదురైనప్పుడు నో చెప్పాలి. అయితే కొంతమంది కెరియర్లో ముందుకెళ్లడానికి ఇలాంటివి ఎదురైనప్పుడు ఓకే చెబుతున్నారు. ఎవరు ఇక్కడ ఎవరిని బలవంతం చేయరు. ఒకవేళ అత్యాచారం చేస్తే తప్పు అంటూ రష్మి చెప్పుకొచ్చింది.
ఎరక్కపోయి ఇరుక్కుపోయిందే..
అయితే ఇటీవల కొరియోగ్రాఫర్ మైనర్ మహిళా కొరియోగ్రాఫర్ పై అత్యాచారం చేశాడనే ఆరోపణలు ఎదుర్కొంటున్న నేపథ్యంలో గతంలో రష్మిక చేసిన వీడియోని ఈ వార్తలకు జోడించి సోషల్ మీడియాలో పోస్ట్ చేస్తున్నారు. దాంతో ఆమె అది తన పాత ఇంటర్వ్యూ అని , దయచేసి దానిని వైరల్ చేయవద్దు అంటూ రిక్వెస్ట్ చేస్తోంది. మొత్తానికి అయితే గతంలో చేసిన ఈ ఇంటర్వ్యూ ని ఇప్పుడు అడ్డం పెట్టుకొని జానీ మాస్టర్ పై కామెంట్లు చేసింది అంటూ కొంతమంది ట్రోల్స్ చేస్తుండడంతో..ఎరక్కపోయి ఇప్పుడు ఇరుక్కుపోయింది అంటూ నెటిజన్లు కామెంట్ లు చేస్తున్నారు.
Sexually exploiting a minor is different from cast and couch where two adults might have given consent to an individual choice
Pls do not use this interview now and mislead audience
This interview was taken way before 2020
Work place shud be comfortable and and when a girl… https://t.co/zexu8Xeohu— rashmi gautam (@rashmigautam27) September 25, 2024