Ranveer Singh : బాలీవుడ్ స్టార్ రణ్వీర్ సింగ్ రీసెంట్ గా తండ్రిగా ప్రమోషన్ దక్కించుకున్న సంగతి తెలిసిందే. బాలీవుడ్ స్టార్ హీరోయిన్ దీపికా పదుకొనే పండంటి ఆడబిడ్డకు జన్మనివ్వడంతో ఈ జంట తల్లిదండ్రులయ్యారు. ఇక రీసెంట్ గా కూతురితో కలిసి దీపిక ఆసుపత్రి నుంచి డిశ్చార్జ్ కాగా, తాజాగా రణ్వీర్ సింగ్ ఒక్క కొత్త లగ్జరీ కారును కొనడం విశేషం. ఇక ఈ కారు కోసం భారీగా ఖర్చుపెట్టిన రణ్వీర్ సింగ్ కారు నెంబర్ ప్లేట్ కోసం కూడా స్పెషల్ నెంబర్ ను వేయించుకున్నట్టుగా తెలుస్తోంది.
రణ్వీర్ సింగ్ గ్యారేజీలోకి కొత్త కారు
మహాలక్ష్మి లాంటి కూతురు తన ఇంట్లో అడుగు పెట్టడంతో సంతోషంగా ఉన్న రణ్వీర్ సింగ్ దంపతులు ఇప్పుడు తమ ఇంటికి కొత్త కారుని కూడా ఆహ్వానించారు. ఇప్పటికే రణ్వీర్ సింగ్ దగ్గర పలు లగ్జరీ కార్లు ఉండగా, దానికి తోడు ఇప్పుడు రణ్వీర్ సింగ్ గ్యారేజీలో మరో కారు కూడా చేరింది. తాజాగా రణ్వీర్ సింగ్ రేంజ్ రోవర్ కారును కొనుగోలు చేశారు. దీనికోసం ఏకంగా ఆయన 4.74 కోట్లు చెల్లించినట్టుగా తెలుస్తోంది. అంతేకాకుండా ఈ కారుకు ప్రత్యేక కార్ నెంబర ను కూడా తీసుకున్నారు. ఈ నెంబర్ ప్లేట్ కోసం కూడా రణ్వీర్ సింగ్ భారీ మొత్తంలో చెల్లించినట్టు సమాచారం.
రణ్వీర్ సింగ్ కొనుగోలు చేసిన రేంజ్ రోవర్ 4.4 ఎల్ డబ్ల్యూబి కారు రేంజ్ రోవర్ సిరీస్ లోనే అత్యుత్తమ టాప్ ఎండ్ కార్లలో ఒకటి. ఇక ఆయన ఈ కారులో కూతురు కోసం ప్రత్యేకంగా కష్టమైజ్డ్ మార్పులను కూడా చేయించినట్టుగా సమాచారం. అలాగే ఆయన ఈ కారుకు 6969 అనే నెంబర్ ను తీసుకున్నట్టుగా తెలుస్తోంది.
కారు నెంబర్ సీక్రెట్ ఇదే
అదే నెంబర్ తీసుకోవడానికి గల ప్రత్యేకమైన కారణం ఏంటంటే రణ్వీర్ సింగ్ కు ఇది ఫేవరెట్ నెంబర్ అని సమాచారం. ఇక తండ్రి కాగానే రణ్వీర్ సింగ్ కొంతకాలం సినిమా నుంచి బ్రేక్ తీసుకున్నారు. త్వరలోనే రణవీర్ సింగ్, దీపిక జంటగా నటించిన ‘సింగం అగైన్’ మూవీ దీపావళి కానుకగా వచ్చే వారం రిలీజ్ కాబోతోంది. మరోవైపు ఆయన ‘దురంధర్’ అనే సినిమాలో నటిస్తున్నారు. వీటితో పాటు శంకర్ దర్శకత్వంలో ‘అన్నియన్’ అనే హిందీ రీమేక్ లో చేయబోతున్నాడు. ఇక దీపిక చివరిసారిగా ‘కల్కి’ అనే సినిమాలో నటించింది.
ఇదిలా ఉండగా సెలబ్రిటీలు ఇలా తమకు ఇష్టమైన నెంబర్ ప్లేట్ ను కొనడం ఇదే మొదటిసారి ఏమీ కాదు. తాజాగా గ్లోబల్ స్టార్ రామ్ చరణ్ కూడా తనకు ఇష్టమైన కార్ నెంబర్ ను తీసుకున్నారు. ఆయన బర్త్ డే 27 కాబట్టి కొత్త కార్ నెంబర్ 2727 గా తీసుకున్నట్టు సమాచారం. అలాగే మిగతా కార్లకు కూడా 27 నెంబర్ తో ముడిపడి ఉండేలా నెంబర్ ప్లేట్ తీసుకున్నారు చెర్రీ. ఇప్పుడు దాదాపు ఇదే స్టైల్ లో రణ్వీర్ సింగ్ కూడా తనకు ఇష్టమైన నెంబర్ ప్లేట్ తీసుకుని వార్తల్లో నిలిచారు.