RC15: మెగాపవర్ స్టార్ రామ్‌చరణ్ హీరోగా లెజెండరీ డైరెక్టర్ శంకర్ తెరకెక్కిస్తున్న లేటెస్ట్ మూవీ RC15. పొలిటికల్ యాక్షన్ నేపథ్యంలో తెరకెక్కుతున్న ఈ సినిమా కోసం అభిమానులు ఎంతగానో ఎదురు చూస్తున్నారు. ఇప్పటికే ఈ మూవీ నుంచి రిలీజ్ అయిన చరణ్ లుక్స్ సినిమాపై హైప్ క్రియేట్ చేశాయి. బాలీవుడ్ ముద్దగుమ్మ కియారా అద్వానీ ఈ మూవీలో హీరోయిన్‌గా నటిస్తోంది. ఇప్పటికే రామ్ చరణ్ సరసన వినయ విధేయ రామ సినిమాలో నటించింది కియారా.

సోమవారం రామ్ చరణ్ బర్త్ డే సందర్భంగా ఈ మూవీ నుంచి ఇంట్రెస్టింగ్ అప్డేడ్ ఇచ్చారు మేకర్స్. ఈ మూవీ టైటిల్‌ను ప్రకటించారు. ఈ సినిమాకు గేమ్ ఛేంజర్ అనే టైటిల్‌ను ఫిక్స్ చేసినట్లు వెల్లడించారు. ఇందుకు సంబంధించి వీడియో గ్లింప్స్‌ను రిలీజ్ చేశారు. ఆ వీడియో సినిమాపై అంచనాలను మరింత పెంచుతోంది.

ఇక ముందుగానే మేకర్స్ రామ్ చరణ్ బర్త్ డేను RC15 సెట్స్‌లో గ్రాండ్‌గా సెలబ్రేట్ చేశారు. డైరెక్టర్ శంకర్, కియారా అద్వానీ, ప్రభుదేవా సెట్స్‌లో రామ్‌చరణ్ చేత కేక్ కట్ చేయించారు. ఇందుకు సంబంధించిన ఫొటోలను మేకర్స్ సోషల్ మీడియా వేదికగా అభిమానులతో పంచుకున్నారు.

Share

• 
• 
• 
• 
• 
•