Ram Charan: టాలీవుడ్‌లో ప్రస్తుతం రీరిలీజ్‌ల ట్రెండ్ కొనసాగుతోంది. స్టార్ హీరోల బిగ్గెస్ట్ హిట్ మూవీలను మళ్లీ విడుదల చేసి ప్రేక్షకులను అలరిస్తున్నారు. ఇప్పటికే రీరిలీజైన ‘జల్సా’, ‘వర్షం’, ‘పోకిరి’, ‘తమ్ముడు’ వంటి సినిమాలు ప్రేక్షకులను ఉర్రూతలూగించాయి. బాక్సాఫీస్ వద్ద కాసుల వర్షం కురిపించాయి. ఇప్పుడు మెగాపవర్‌స్టార్ రామ్‌చరణ్ కెరీర్ ములుపు తిప్పిన ‘మగధీర’ మూవీ కూడా ప్రేక్షకులకు మరోసారి వినోదాన్ని పంచేందుకు రెడీ అవుతోంది.
2009లో దర్శకధీరుడు రాజమౌళి తెరకెక్కించిన ఈ మూవీలో రామ్‌చరణ్, కాజల్ అగర్వాల్ జంటగా నటించారు. బాక్సాఫీస్ వద్ద ఈ మూవీ భారీ విజయం సాధించింది. రికార్డ్ స్థాయిలో వసూళ్లను రాబట్టింది. ఈ మూవీ బ్లాక్ బస్టర్ హిట్ అవ్వడంతో రామ్ చరణ్ కెరీర్ ఒక్కసారిగా మలుపు తిరిగింది.
ఇక మార్చి 27న రామ్ చరణ్ బర్త్ డే సందర్బంగా ఈ సినిమాను రీరిలీజ్ చేయనున్నట్లు చిత్ర నిర్మాణ సంస్థ గీతా ఆర్ట్స్ ప్రకటించింది. దీంతో చరణ్ ఫ్యాన్స్ తెగ సంబరపడిపోతున్నారు. ఎప్పుడెప్పుడు థియేటర్లలో చూస్తామా.. అని ఎదురు చూస్తున్నారు.
Share
Tata:రెడ్ డార్క్ ఎడిషన్‌ కార్లు.. సూపరంతే!
Dogs: కుక్కల దాడి కేసులో హైకోర్టు మొట్టికాయలు.. నగరంలో కుక్కల వేట షురూ..
