Ram Charan: సాధారణంగా మనుషులకు ఒక కుతూహలం ఉంటుంది. సెలబ్రిటీలు ఎలా ఉంటారు. ఎలాంటి బట్టలు వేసుకుంటారు. ఎలాంటి ఫుడ్ తింటారు. ఇలాంటివి తెలుసుకొవడానికి ఎక్కువ ఇష్టపడుతూ ఉంటారు. ఇక అదే సెలబ్రిటీలు ఎదురుగా కనిపిస్తే.. అస్సలు ఆగరు. వారిని తాకుతూ.. అసలు వారు మనుషులా కాదా అనేంతలా చెక్ చేస్తారు. ప్రస్తుతం పిఠాపురంలో రామ్ చరణ్ పరిస్థితి అలానే తయారయ్యింది. నేడు పిఠాపురంలో రామ్ చరణ్ ప్రచారం చేస్తున్న సంగతి తెల్సిందే.
జనసేనాని పవన్ కళ్యాణ్ కు సపోర్ట్ గా పిఠాపురంలో ఆయనను గెలిపించాలని ఇప్పటివరకు మెగా హీరోలందరూ తమ ప్రచారాలు చేశారు. ఇక ఈరోజు ప్రచారం చివరి రోజు కావడంతో చరణ్ తన తల్లి సురేఖతో కలిసి పిఠాపురం వచ్చాడు. ముందుగా జనసేనాని పవన్ కళ్యాణ్ ను కలిసి ఆ తరువాత కుక్కుటేశ్వర ఆలయాన్ని సందర్శించి పూజలు జరిపించారు. ఇక రామ్ చరణ్ రావడంతో పితపురం జనసంద్రంగా మారింది. చరణ్ చుట్టూ అభిమానులు గుమిగూడారు.
అసలు లోపలికి కూడా పోనివ్వకుండా చరణ్ ను చూడడానికి ఎగబడ్డారు. ఇక వారందరిని దాటుకొని చరణ్ బయటకు రావడానికి చాలా కష్టపడ్డాడు. చుట్టూ ఉన్నా అభిమానులు.. అసలు చరణ్ మనిషా.. ? కాదా.. ? అన్నట్లు అతడిని తాకడానికి ప్రయత్నించడం విశేషం. చెప్పాలంటే పాపం.. చరణ్ ను అభిమానులు నలిపేశారు. షర్ట్ దొరికితే షర్ట్, చేతులు పట్టుకొని వెనక్కి లాగడం లాంటివి చేశారు. బౌన్సర్లు కూడా వారి మధ్య ఇరుక్కుపోయినట్టు తెలుస్తోంది. దీంతో చరణ్ కొద్దిగా ఇబ్బందికి గురైనట్లు తెలుస్తోంది. ఇందుకు సంబంధించిన వీడియో ఒకటి నెట్టింట వైరల్ గా మారింది.
ఇక ఈ వీడియో చూసిన గ్లోబల్ స్టార్ ఫ్యాన్స్.. అరేయ్ అతను మనిషే ఎందుకు ఇలా చేస్తున్నారు అని కొందరు. అసలు బౌన్సర్లు ఎక్కడ ఉన్నట్లు అని ఇంకొందరు కామెంట్స్ చేస్తున్నారు. ఇలా ఉంటుంది కాబట్టే హీరోలు బయటకు రారు అని మరికొందరు చెప్పుకొస్తున్నారు.
Global Star @AlwaysRamCharan 🙏❤️ pic.twitter.com/CW98vGRkIu
— Bobby Yedida (@bobby_yedida) May 11, 2024