EPAPER
Kirrak Couples Episode 1

Ram Charan : RRRకి యు.ఎస్‌లో స్టాండింగ్ ఓవేషన్.. రామ్ చరణ్ ఎమోషనల్

Ram Charan : RRRకి యు.ఎస్‌లో స్టాండింగ్ ఓవేషన్.. రామ్ చరణ్ ఎమోషనల్
ramcharan

Ram Charan : ఎపిక్ ఫిక్ష‌న‌ల్ పీరియాడిక్‌ యాక్షన్ డ్రామా RRRని మార్చి 1న లాస్ ఏంజిల్స్‌లోని ఏస్ హోటల్ థియేటర్‌లో ప్రదర్శించారు. ఈ వేడుక‌కు గ్లోబల్ స్టార్ రామ్ చరణ్‌తో పాటు ద‌ర్శ‌క దీరుడు ఎస్.ఎస్. రాజమౌళి, సంగీత ద‌ర్శ‌కుడు ఎం.ఎం. కీరవాణి, సూపర్-టాలెంటెడ్ సినిమాటోగ్రాఫర్ కె.కె.సెంథిల్‌కుమార్ హాజరయ్యారు. RRR ప్ర‌ద‌ర్శ‌న పూర్త‌యిన వెంట‌నే యూనిట్ స‌భ్యుల‌ను చ‌ప్ప‌ట్ల‌తో గౌర‌వించారు స‌భికులు. స్టాండింగ్ ఒవేష‌న్ ఇచ్చారు.


అక్క‌డికి హాజ‌రైన వారు త‌మ మీద‌, త‌మ చిత్రం మీద‌, సాంకేతిక నిపుణుల మీద చూపించిన ప్రేమ‌ను చూసి రామ్‌చ‌ర‌ణ్ ఆనందోత్సాహాల‌కు హ‌ద్దుల్లేవ‌న్న‌దే నిజం. వారి ప్రేమ‌కు చ‌లించిపోయారు మెగాప‌వ‌ర్‌స్టార్‌. త‌న మ‌న‌సులోని భావోద్వేగాల‌ను మిగిలిన వారితో హృద్యంగా పంచుకున్నారు. ఈ సందర్భంగా మెగా పవర్‌స్టార్ రామ్ చ‌ర‌ణ్‌ మాట్లాడుతూ ప్రేక్ష‌కులు చూపించే ప్రేమ‌, అభిమానుల ఆద‌ర‌ణే త‌న‌ను కెరీర్‌లో సుదీర్ఘ‌తీరాల‌కు న‌డిపిస్తుంద‌ని అన్నారు చ‌ర‌ణ్‌. మిగిలిన వాళ్ల‌కు కూడా ఇలాగే ఉంటుందా? లేకుంటే నాకు మాత్రం ఇలా ఉందో తెలియ‌దు కానీ, ఈ క్ష‌ణాల‌ను నేను మ‌న‌స్ఫూర్తిగా ఆస్వాదిస్తున్నాను. ఈ క్ష‌ణాల కోస‌మే అత్యంత కృషి చేశాను. అంద‌రిలోనూ ఇలాంటి ఉత్సాహం నింపాల‌న్న‌దే నా ప్ర‌య‌త్నం. ఇలాంటి స్పంద‌న‌నే కోరుకున్నాను. ఇంత‌గా ఆద‌రాభిమానాలు చూపిస్తున్నందుకు, ప్ర‌శంసిస్తున్నందుకు ధ‌న్య‌వాదాలు. ఇంత గొప్ప చిత్రంలో న‌న్ను భాగం చేసిన మా ద‌ర్శ‌కులు ఎస్‌.ఎస్‌.రాజ‌మౌళిగారికి ఈ సంద‌ర్భంగా కృత‌జ్ఞ‌త‌లు చెబుతున్నాను“ అని అన్నారు.

ఎంత ఎదిగితే అంత ఒద‌గాల‌నుకునే స్వ‌భావం రామ్‌చ‌ర‌ణ్ సొంతం. నిత్య విద్యార్థిగా ఉండ‌టానికి ఇష్ట‌ప‌డ‌తారు మెగాప‌వ‌ర్ స్టార్‌. ఆ విష‌యం గురించి మాట్లాడుతూ సింపుల్‌గా చెప్పాలంటే, మ‌గ‌ధీర స‌మయంలో నన్ను నేను విద్యార్థిగానే భావించాను. ట్రిపుల్ ఆర్ స‌మ‌యంలోనూ అలాగే అనుకున్నాను. ఇదేదో నేను స‌ర‌దాకోసం చెబుతున్న మాట కాదు. రాజ‌మౌళిగారు నాకు ప్రిన్సిప‌ల్ లాంటివారు. టీచ‌ర్ లాంటివారు. గురువులాంటివారు. ప్ర‌తిసారీ నేను ఆయ‌న్ని క‌లిసిన‌ప్పుడు ఎంతో జ్ఞానం వ‌చ్చిన‌ట్టు అనిపిస్తున్నాను. చాలా స‌మాచారం తెలుసుకున్న‌ట్టు భావిస్తాను. ఆ తెలివితేట‌ల వ‌ల్ల నేనున్న రంగం మీద మ‌రింత ప‌ట్టు సాధించుకోగ‌లుగుతున్నాను. అవ‌గాహ‌న చేసుకోగ‌లుగుతున్నాను. మ‌రో ప‌దేళ్ల పాటు నేను ముందుకు సాగ‌డానికి అది ఉప‌యోగ‌ప‌డుతుంది“ అని అన్నారు.


ఎన్టీఆర్ గురించి చ‌ర‌ణ్‌ మాట్లాడుతూ ఇప్పుడు నేను, తార‌క్ చాలా స‌న్నిహితంగా ఉంటున్నాం. అందుకు ట్రిపుల్ ఆర్‌కి ధ‌న్య‌వాదాలు. కార‌ణాలు ఏవైనా మేం త‌ర‌చూ క‌లిసేవాళ్లం కాదు. కానీ, ట్రిపుల్ ఆర్ వ‌ల్ల త‌ర‌చూ క‌లిసేవాళ్లం. చాలా స‌న్నిహితుల‌మ‌య్యాం. మ‌మ్మ‌ల్ని క‌ల‌పాల‌నే ఆలోచ‌న రాజ‌మౌళిగారికి క‌లిగిన‌ట్టుంది. అందుకే మ‌మ్మ‌ల్ని ఇద్ద‌రినీ ట్రిపుల్ ఆర్ కోసం తీసుకున్నారు. ట్రిపుల్ ఆర్‌లో తార‌క్ న‌టించ‌డం వ‌ల్ల సోద‌ర‌భావాన్ని చూపించ‌డం తేలికైంది. త‌న‌తో క‌లివిడిగా ఉండ‌గ‌లిగాను“ అని అన్నారు. తార‌క్‌ని ఆ వేదిక మీద మిస్ అవుతున్న విష‌యాన్ని కూడా వ్య‌క్తీక‌రించారు.

Related News

Amitabh Bachchan: అప్పుడు నేలపైనే పడుకునేవారు, ఆయన స్టార్లలోనే సుప్రీమ్.. రజినీపై అమితాబ్ బచ్చన్ ఆసక్తికర వ్యాఖ్యలు

Devara Pre Release Event: ‘దేవర’ ప్రీ రిలీజ్ ఈవెంట్ ఖర్చు అన్ని కోట్లా? గట్టిగానే ప్లాన్ చేశారుగా!

Devara : దేవర ట్రైలర్ వచ్చేసింది.. ఎన్టీఆర్ అంటే ఫైర్.. అదిరిపోయిన విజువల్స్…

Jani Master: నువ్వు మామూలోడివి కాదయ్యో.. ఇంతమందిపై లైం*గి*క దాడా..?

Jani Master : ఆ మూవీ షూటింగ్ లో ఆమెను దారుణంగా కొట్టిన జానీ.. బయటపడ్డ మరో నిజం..

Kalki Sequel: కల్కి సీక్వెల్ పై అభిమానులలో టెన్షన్.. అసలు కారణం ఏంటంటే..?

Heroine Simran: వారు క్షమాపణ చెప్పాలి.. బహిరంగ ప్రకటన చేసిన సిమ్రాన్..!

Big Stories

×