Rakul Preet Singh: రకుల్ ప్రీత్ సింగ్.. ఈ అమ్మడు గురించి ప్రత్యేకంగా చెప్పాల్సిన పనిలేదు. కెరటం సినిమాతో తెలుగు ప్రేక్షకులకు పరిచయం అయిన ఈ ముద్దుగుమ్మ.. వెంకటాద్రి ఎక్స్‌ప్రెస్ సినిమాతో మంచి గుర్తింపు తెచ్చుకుంది. ఆ తర్వాత లౌక్యం, పండుగ చేస్కో, కరెంట్ తీగ, కిక్-2, బ్రూస్‌లీ, సరైనోడు వంటి సినిమాల్లో నటించి స్టార్ హీరోయిన్‌గా క్రేజ్ సంపాదించుకుంది.
టాలీవుడ్‌తో పాటు బాలీవుడ్‌లోనూ అగ్రహీరోల సరసన నటించి అదరగొట్టింది. తాజాగా తన సక్సెస్ సీక్రెట్‌కు సంబంధించి ఇంట్రెస్టింగ్ కామెంట్లు చేసింది రకుల్. చేసే పని పట్ల ప్యాషన్ కలిగి ఉంటే పనిలో ఒత్తడి ఉండదని చెప్పుకొచ్చింది. తాను ఎంతో మంది అగ్రహీరోలతో కలిసి పనిచేశానని, అయినా ఎప్పుడూ ఒత్తిడికి గురి కాలేదని తెలిపింది.
అల్లు అర్జున్, సూర్య, అక్షయ్ కుమార్ వంటి హీరోలతో కలిసి పనిచేసినప్పుడు వృత్తిపరంగా గుర్తింపుతో పాటు ఆత్మవిశ్వాసం కూడా పెరిగిందని వెల్లడించింది. అందుకే కెరీర్ పరంగా వచ్చిన అడ్డంకుల్ని చూసి ఎప్పుడూ అధైర్య పడలేదని.. ప్రతికూల పరిస్థితుల్లో ధైర్యంగా ఉండటమే తన విజయ రహస్యమని చెప్పుకొచ్చింది రకుల్.