Rajiv kanakala: తెలుగు సినీ ఇండస్ట్రీలో తన నటనతో ప్రేక్షకులను అలరించి మెప్పిస్తుంటాడు నటుడు రాజీవ్ కనకాల. ఎన్నో చిత్రాలలో విభిన్నమైన పాత్రల్లో నటించి మంచి నటుడుగా పేరు సంపాదించుకున్నారు. అయితే ఈ మధ్య కాలంలో అధిక బరువు పెరగడంతో గుర్తుపట్టలేనంతగా మారిపోయిన రాజీవ్ కనకాలను చూసి అందరూ ఆశ్చర్యపోతున్నారు. ఇదేంటిది రాజీవ్ కనకాలకు ఏమైంది. ఇంతలా మారిపోయారంటూ నెటిజన్లు షాక్ అవుతున్నారు.

అయితే ఇలా అధిక బరువు పెరగడానికి గల కారణాన్ని తాజాగా ఓ ఇంటర్వ్యూలో రాజీవ్ చెప్పారు. ఒకసారి తనకు ఫుడ్ పాయిజన్ అవడంతో హాస్పిటల్‌లో అడ్మిట్ అయ్యానని అన్నారు. ఇక ఆ సమయంలోనే ఇంటి నుంచి సుమ రుచికరమైన భోజనాన్ని పంపేవారని తెలిపారు. భోజనాన్ని వృధా చేయకూడదన్న ఉద్దేశంతోనే బాగా తినేవాడినని చెప్పారు.

ఇక హాస్పిటల్ నుంచి ఇంటికి వచ్చిన తర్వాత మరింత ఎక్కువగా తినేవాడిని అంటూ తెలిపారు. ఇలా ఫుడ్డు ఎక్కువగా తినడం వల్లే తాను అధిక బరువుగా పెరిగిపోయానని చెప్పుకొచ్చారు. ఈ విధంగా బరువు పెరగడం వల్ల కాళ్లు కూడా నడవలేక వణుకుతున్నాయని తెలిపారు. ప్రస్తుతం బరువు తగ్గడానికి పలు రకాలుగా ప్రయత్నాలు చేస్తున్నానంటూ చెప్పుకొచ్చారు రాజీవ్ కనకాల.

Share

• 
• 
• 
• 
• 
•