Rajinikanth: సౌత్ సూపర్ స్టార్ రజనీకాంత్ అర్థరాత్రి అపోలో ఆసుపత్రిలో చేరారు. ఇవాళ(మంగళవారం) కొన్ని పరీక్షలు చేయనున్నట్లు తెలుస్తోంది. అయితే ప్రస్తుతం రజనీకాంత్ ఆరోగ్యం నిలకడగానే ఉందన్నది ఆసుపత్రి వర్గాల మాట. అసలేమైంది? ఆయన కుటుంబ సభ్యుల నుంచి ఎలాంటి అధికారిక ప్రకటన రాలేదు.
73 ఏళ్ల రజనీకాంత్ కడపు నొప్పి వచ్చినట్టు వార్తలు వస్తున్నాయి. ఈ విషయమై ఆయన ఆసుపత్రికి వెళ్లినట్టు కోలీవుడ్ ఫిల్మ్ వర్గాలు చెబుతున్నాయి. ప్రస్తుతం రెండు సినిమాలు చేస్తున్నారాయన. వేట్టైయన్ ఈనెల (అక్టోబర్) 10న విడుదల కానుంది. ప్రమోషన్ నేపథ్యంలో వివిధ నగరాలకు వెళ్తున్నారు. ఇదికాకుండా లోకేశ్ కనగరాజ్ డైరెక్టర్లో కూలీ అనే మూవీ చేస్తున్నాడు. దీనికి సంబంధించి చిత్రీకరణ జరుగుతోంది.
సోమవారం సాయంత్రం రజనీకాంత్ను ఫిల్మ్ మేకర్స్ ఎస్పీ ముత్తురామన్, ఏవీఎం శరవణన్లు కలిశారు. అందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. పదేళ్ల కిందట సింగపూర్లో రజనీకాంత్ ట్రీట్మెంట్ తీసుకున్నారు. ఆరోగ్యం కారణాలతో రాజకీయాలకు దూరమైనట్టు అప్పట్లో వార్తలు వచ్చాయి. చివరకు వైద్యుల సలహా మేరకు రాజకీయ పార్టీ నిర్ణయాన్ని వాయిదా వేసుకున్న విషయం తెల్సిందే.