PVR Cinimas: కొత్త సినిమా రిలీజ్ అవుతుందంటే చాలు సినీ ప్రియులు థియేటర్ల వద్ద పడిగాపులు కాస్తారు. అదీగాక తమ ఫేవరెట్ హీరో సినిమా అయితే వారి హంగామాకు అంతే ఉండదు. టికెట్ రేటు వేలల్లో ఉన్నా.. కొనుక్కోని మరీ సినిమా చూడాలనుకుంటారు. కానీ ఫ్యామిలీతో వెళ్లాలనుకునే వారు మాత్రం కాస్త ఆలోచిస్తుంటారు.
సినిమా రిలీజైన రెండు మూడు వారాల వరకూ టికెట్ రేట్లు తగ్గవు. దీంతో వారు కాస్త ఆలోచించి థియేటర్కి వెళ్లే బదులు.. కొద్దిరోజులు ఓపిక పడితే ఓటీటీలో చూసేయొచ్చని ఆలోచిస్తుంటారు. అలాంటి వారందరి కోసం ప్రముఖ థియేటర్ సంస్థ పివిఆర్ బంపరాఫర్ ప్రకటించింది. కేవలం తక్కువ మొత్తంతోనే నెలంతా సినిమాలు చూసే అవకాశాన్ని కల్పిస్తోంది.
ఈ మేరకు ప్రేక్షకుల కోసం మూవీ పాస్ విధానాన్ని తీసుకువస్తుంది. కేవలం రూ.699 లకే నెలంతా సినిమాలు చూసే అవకాశాన్ని కలిపిస్తుంది. అయితే ఈ విధానం నార్త్లో చాలా కాలంగా ఉన్నప్పటికీ.. సౌత్లో ఇప్పుడు ఇంట్రడ్యూస్ చేయనున్నారు. ఈ పాస్తో నెలకు దాదాపు 10 సినిమాలు చూసే అవకాశం ఉంటుంది. అయితే అక్కడే ఓ కండీషన్ ఉంది.ఈ పాస్తో కేవలం సోమవారం నుంచి గురువారం రోజుల్లో మాత్రమే సినిమా చూసే అవకాశం ఉంటుంది. మిగతా రోజుల్లో ఈ పాస్ చెల్లదు. ఇప్పటికే పాస్ రిజిస్ట్రేషన్కి సంబంధించిన పనులు మొదలైనట్లు తెలుస్తోంది.
ఈ పాస్లు ఎప్పటినుంచి అందుబాటులోకి వస్తాయనే దానిపై PVR సంస్థ క్లారిటీ ఇవ్వలేదు. కాగా ఈ సబ్స్క్రిప్షన్ ప్లాన్ను PVR సంస్థ ద్వారా లేదా వెబ్సైట్ ద్వారా కొనుగోలు చేయొచ్చు. ఈ పాస్కు సంబంధించిన సబ్స్క్రిప్షన్ పీరియడ్ కేవలం మూడు నెలల వ్యవధి మాత్రమే కలిగి ఉంటుంది.