పుష్ప సినిమాతో అలరించిన పుష్పరాజ్.. ఈసారి రెట్టించిన ఉత్సాహంతో పుష్ప 2 తో ప్రేక్షకులను అలరించడానికి సిద్ధమవుతున్నాడు. ప్రస్తుతం ఈ సినిమా షూటింగ్ పనులు రామోజీ ఫిల్మ్ సిటీలో శరవేగంగా జరుగుతున్నాయి. గ్రామీణ నేపథ్యంలో సాగే సన్నివేశాలతో పాటు పలు కీలక సీన్లను తెరకెక్కిస్తున్నట్లు సమాచారం. ముఖ్యంగా అల్లు అర్జున్‌తో పాటు ఇతర పాత్రధారులపై ఈ సన్నివేశాల షూటింగ్ జరుగుతున్నట్లు మేకర్స్ తెలిపారు.  కాగా, పుష్ప సినిమాలో అల్లు అర్జున్ పాత్రకు జాతీయ ఉత్తమ నటుడది పురస్కారం వచ్చింది. మరి ఈ సినిమా ఎలా ఉండబోతుందోనని అభిమానులు ఆసక్తిగా ఎదురుచూస్తున్నారు. ఇక, ఈ సినిమాను ఇండిపెండెన్స్ కానుకగా ఆగస్టు 15న విడుదల చేయనున్నట్లు మేకర్స్ ప్రకటించారు. అయితే ఈ మూవీ విడుదల తేదీ వాయిదా పడనున్నట్లు వార్తలు వస్తున్నాయి.

Also Read: హైదరాబాద్‌లో అడుగుపెట్టిన దేవర.. చూసేందుకు ఎగబడ్డ అభిమానులు!