Prabhas: బాలీవుడ్ టాలెండెట్ స్టార్ హీరోయిన్ దీపికా పదుకొనే ఈ రోజు తన 38వ పుట్టిన రోజును జరుపుకుంటోంది. ఈ సందర్భంగా ఆమెకు ప్రముఖ నటీనటులు శుభాకాంక్షలు తెలియజేస్తున్నారు. ఇందులో భాగంగా తాజాగా నటుడు ప్రభాస్ ఆమెకు ప్రత్యేక విషెస్ తెలిపారు. ఈ మేరకు ప్రభాస్ తన ఇన్స్టాలో ఆమె ఫొటో పెడుతూ.. క్యాప్షన్లో ఇలా రాసుకొచ్చారు.
మోస్ట్ బ్యూటీఫుల్ దీపికా పదుకొనేకు పుట్టిన రోజు శుభాకాంక్షలు. మీ సంవత్సరాన్ని మీలాగే అద్భుతంగా ఉండనివ్వండి అంటూ రాసుకొచ్చారు. ఆయన విషెస్తో దీపికా అభిమానులు ఫుల్ హ్యాపీగా ఫీలౌతున్నారు. ఇక వీరి సినిమా విషయానికొస్తే.. ప్రస్తుతం ప్రభాస్, దీపికా పదుకొనే జంటగా ‘కల్కి 2898 ఏడీ’ మూవీలో నటిస్తున్నారు. నాగ్ అశ్విన్ దర్శకత్వంలో ఈ చిత్రం భారీ బడ్జెట్తో తెరకెక్కుతోంది. వైజయంతి మూవీస్ బ్యానర్పై నిర్మాత అశ్విని దత్ ఈ చిత్రాన్ని నిర్మిస్తున్నాడు. ఈ చిత్రంలో అమితాబ్ బచ్చన్, కమల్ హాసన్, దిశాపటాని వంటి స్టార్ నటీ నటులు కీలక పాత్రల్లో నటిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది. ఇక అన్ని పనులు పూర్తి చేసుకున్నాక ఈ చిత్రం తెలుగు, తమిళం, హిందీలో రిలీజ్ కానుంది.