Pawan kalyan house in pithapuram(Political news in AP): జనసేనాని పవన్ కళ్యాణ్ ప్రస్తుతం ఒకపక్క సినిమాలతో ఇంకోపక్క రాజకీయాలతో బిజీగా మారారు. ప్రస్తుతం ఆయన ఫోకస్ అంత రాజకీయాలపైనే ఉంది. ఏపీలో ఎలక్షన్స్ హీట్ ఏరేంజ్ లో ఉందో ప్రత్యేకంగా చెప్పాల్సిన అవసరం లేదు. అసెంబ్లీ అభ్యర్థిగా పిఠాపురం నుంచి ఎన్నికల బరిలో దిగుతున్నారు. మొదటి నుంచి కూడా పవన్.. విజయం కోసం కష్టపడుతూనే ఉన్నాడు. కానీ, విజయాన్ని మాత్రం చేరుకోలేకపోయారు. అయితే ఈసారి టీడీపీ పొత్తుతో జనసేన బరిలోకి దిగుతుంది. ఇప్పటికే వరుస ప్రచారాలు చేస్తూ బిజీగా మారిన పవన్.. ఈమధ్యనే అస్వస్థతకు గురై రెస్ట్ తీసుకుంటున్న విషయం తెల్సిందే.

ఇక ఈ మధ్యనే పవన్ పిఠాపురాన్ని తన స్వస్థలం గా మార్చుకుంటాను అని సభాముఖంగా చెప్పుకొచ్చారు. ఇక చెప్పిందే తడువుగా పిఠాపురంలో పవన్ కళ్యాణ్ కొత్త ఇల్లు రెడీ అవుతుంది. ఆయన ఆఫీస్ కు, ఇంటికి అనువుగా ఉండేలా ఆ ఇంటిని డిజైన్ చేయిస్తున్నారు. ప్రస్తుతం ఈ ఇంటికి సంబంధించిన ఫోటోలు, వీడియోలు నెట్టింట వైరల్ గా మారాయి. పవన్ కార్యాలయం, వసతికి అనువుగా చేబ్రోలులో ఒక భవంతి తుది మెరుగులు దిద్దుకుంటోంది. ఇక అందుతున్న సమాచారం ప్రకారం ఉగాదికి పవన్ గృహప్రవేశం చేయనునున్నట్లు తెలుస్తోంది. ఇల్లు కూడా చాలా రిచ్ లుక్ లో అద్భుతంగా ఉంది.

ఇక పవన్ సినిమాల విషయానికొస్తే.. ప్రస్తుతం ఆయన రాజకీయ ప్రచారంలో బిజీగా ఉండడంతో అన్ని సినిమాలు హోల్డ్ లో ఉన్నాయి. పవన్ చేతిలో హరిహర వీరుమల్లు, ఓజి, ఉస్తాద్ భగత్ సింగ్ సినిమాలు ఉన్నాయి. ఓజి ఇప్పటికే సగం షూటింగ్ ను పూర్తిచేసుకుంది. ఉస్తాద్ ఎలక్షన్స్ తరువాత మొదలుకానుంది. హరిహర వీరమల్లు సైతం ఎలక్షన్స్ తరువాతనే ముగించే ప్లాన్ లో ఉన్నాడు పవన్. మరి ఈ సినిమాలతో పవన్ ఎలాంటి విజయాలను అందుకుంటాడో చూడాలి.

Share

• 
• 
• 
• 
• 
•