Renu Desai Updates : పవన్ కల్యాణ్ మాజీ భార్య రేణుదేశాయ్ను ట్రోలింగ్స్ వెంటాడుతూనే ఉన్నాయి. పవన్ కల్యాణ్ విషయంలో రాజకీయంగానైనా, సినిమాల పరంగానైనా.. ఆమెనే టార్గెట్ చేస్తున్నారు. రేణు దేశాయ్ ఏ కామెంట్ చేసినా పవన్ అభిమానులు రచ్చ చేస్తున్నారు. ఆమెను రచ్చలోకి లాగుతుంటారు. కొద్దిరోజుల క్రితం తన విడాకులు, పవన్ రాజకీయాలపై చేసిన వ్యాఖ్యలు.. మరోసారి ఆమెను టార్గెట్గా చేశాయి. రేణు దేశాయ్ కూడా వాటికి గట్టిగానే కౌంటరిస్తున్నారు.
ఒక మీడియా ప్రతినిధి ఇన్స్టాగ్రామ్లో చేసిన కామెంట్లపై మండిపడ్డారు రేణు దేశాయ్. అందుకే నిన్ను తన జీవితంలోంచి పవన్ కళ్యాణ్ తన్ని తరిమేశారంటూ సదరు మీడియా ప్రతినిధి కామెంట్ చేయగా.. అతని కామెంట్ని ఇన్స్టాలో పోస్టు చేశారు రేణుదేశాయ్. నన్ను తిట్టడంతో నీకు మనశ్శాంతి లభించిందా, అలాగే కానీయంటి అంటూ ఆ మీడియా ప్రతినిధికి కౌంటర్ ఇచ్చారు రేణు.
విడాకుల విషయంలో మాజీ భర్త ఎలా మోసం చేశారనే నిజాన్ని గతంలో చెప్పినప్పుడు.. ఆయన అభిమానులు దారుణంగా అసభ్యకర పదాలతో తిట్టారు. ఇప్పుడు, దేశ పౌరురాలిగా నేను పవన్కి అనుకూలంగా కొన్ని మాటలు చెప్పినప్పుడు, అతన్ని ద్వేషించేవారు ఇప్పుడు నన్ను దుర్భాషలాడుతున్నారు అంటూ వాపోయారు రేణుదేశాయ్. జీవితమంతా ఇలా అందరితో తిట్లు తింటూ బతకాలా? అని ఆవేదన వ్యక్తం చేశారు.