PavithraNaresh: కొంతకాలంగా డేటింగ్లో ఉన్న నటుడు నరేష్, నటి పవిత్ర వివాహబంధంలోకి అడుగుపెట్టారు. ఏడడుగులు వేసి ఒక్కటయ్యారు. శుక్రవారం ఈ విషయాన్ని అధికారికంగా ప్రకటించారు నరేష్. ట్విట్టర్లో పెళ్లికి సంబంధించిన వీడియోను పోస్ట్ చేశారు.
‘‘ఒక పవిత్ర బంధం.. రెండు మనసులు.. మూడు మళ్లు.. ఏడు అడుగులు.. కొత్త ప్రయాణం ప్రారంభించాం. మీ ఆశీస్సులు కోరుకుంటున్నాం’’ అంటూ నరేష్ రాసుకొచ్చారు. దీనిపై నెటిజన్లు స్పందిస్తూ.. శుభాకాంక్షలు తెలుపుతూ కామెంట్లు చేస్తున్నారు. ప్రస్తుతం ఈ వీడియో సోషల్ మీడియాలో వైరలవుతోంది
ఇదిలా ఉండగా.. ఓ యూజర్ మాత్రం షాకింట్ ట్విస్ట్ ఇచ్చారు. ఈ వీడియోను రీ ట్వీట్ చేస్తూ సంచలన విషయాన్ని బయటపెట్టారు. ‘‘పవిత్ర బంధం అంటూ ట్విట్టర్లో నరేష్ పెట్టిన పెళ్లి వీడియో నిజం కాదు. రెండు నెలల క్రితమే వాళ్లు పెళ్లి చేసుకున్నారు. ఈ వీడియో ఇంకా పేరు ఖరారు చేయని ఒక సినిమాకి సంబంధించింది. ఈ సినిమాకి ఎమ్ఎస్ రాజు ప్రొడ్యూసర్’’ అని రాసుకొచ్చారు. ఇది చూసి నెటిజన్లు షాక్ అవుతున్నారు.