Pawan Kalyan:- ప‌వ‌ర్ స్టార్ ప‌వ‌న్ క‌ళ్యాణ్ ఈరోజు త‌న ట్విట్ట‌ర్ ద్వారా అభిమానుల‌కు, ప్రేక్ష‌కుల‌కు ఊహించ‌ని ట్విస్ట్ ఇస్తూ ట్వీట్ చేశారు. అది కూడా ఆయ‌న త‌న OG సినిమాకు సంబంధించిన ట్వీట్ వేశారు. మ‌హారాష్ట్ర‌లోని వాయ్ లేక్ వ‌ద్ద షూటింగ్ చేసే స‌మ‌యంలో కొంత మంది జ‌న సైనికుల‌ను క‌లిశాను. చాలా ఆనందంగా ఉంద‌ని ఆయ‌న తెలిపారు. స‌ద‌రు అభిమానులు జ‌న‌సేన జెండా ప‌ట్టుకుని నిలుచుకుని ఉండగా, వారిని చూస్తూ ప‌వ‌న్ ఒడ్డున నిల‌బ‌డున్నారు. ఖుషి సినిమాలో మార్ష‌ల్ ఆర్ట్స్ ప్రాక్టీస్ స‌మ‌యంలో వేసుకున్న డెస్సునే ఓటీ షూటింగ్‌లో ఆయ‌న వేసుకోవ‌టం ఇక్క‌డ కొస మెరుపు.

సుజిత్ ద‌ర్శ‌క‌త్వంలో రూపొందుతోన్న ఓటీ సినిమాను నిర్మాత డి.వి.వి.దాన‌య్య నిర్మిస్తున్నారు. ప్ర‌స్తుతం షూటింగ్ శ‌ర‌వేగంగా జ‌రుగుతోంది. గ్యాంగ్‌స్ట‌ర్ మూవీ అంటే సినిమా ఔట్ అండ్ ఔట్ యాక్ష‌న్ ఎంట‌ర్‌టైన‌ర్‌లా అల‌రిస్తుంద‌ని అంద‌రూ భావిస్తున్నారు. చెన్నై బ్యూటీ ప్రియాంక అరుల్ మోహన్ ఇందులో హీరోయిన్‌. దానికి సంబంధించిన ప్ర‌క‌ట‌న కూడా వ‌చ్చేసింది.

ప‌వ‌న్ క‌ళ్యాణ్‌, సుజిత్ కాంబినేష‌న్‌లో రాబోతున్న ఓటీ సినిమాలో ఫైట్స్‌, పాట‌లు ఉండ‌బోవంటూ టాక్ వినిపిస్తోంది. ప‌వ‌న్ క‌ళ్యాణ్ వంటి మాస్ ఇమేజ్ ఉన్న హీరో సినిమాలో పాట‌లు, ఫైట్స్ ఉండ‌వంటే అది ఫ్యాన్స్‌ని మెప్పిస్తుందా? అనేది అంద‌రిలో మ‌దిలో మెదులుతున్న ప్ర‌శ్న‌. ఇలాంటి ఎక్స్‌పెరిమెంట‌ల్ మూవీతో ప‌వ‌న్ క‌ళ్యాణ్ ఏవిధంగా మెప్పిస్తారో తెలియాలంటే కొన్ని రోజులు ఆగాల్సిందే. ప్రస్తుతం ఆయన వినోద సిత్తం తమిళ రీమేక్‌తో పాటు హరి హర వీర మల్లు, ఉస్తాద్ భగత్ సింగ్ సినిమాలను పూర్తి చేసే పనిలో ఉన్నారు పవర్ స్టార్ పవన్ కళ్యాణ్.

Share

• 
• 
• 
• 
• 
•