Niharika Konidela: మెగా ఇంట అదృష్ట దేవత పుట్టింది. ఏ ముహూర్తాన ఉపాసన.. క్లింకారకు జన్మనిచ్చిందో కానీ, ఆ క్షణం నుంచి మెగా ఇంట విజయాలే విజయాలు. ఆమె పుట్టిన వెంటనే.. వరుణ్ తేజ్- లావణ్య పెళ్లి జరిగింది. ఆ తరువాత చిరంజీవికి పద్మ విభూషణ్ వచ్చింది. ఇక పదేళ్ల తరువాత పవన్ కళ్యాణ్ డిప్యూటీ సీఎంగా మారారు. ఒకటి అని చెప్పలేం.. వరుసగా మెగా ఇంట అన్ని మంచి శకునములే అనే విధంగా మారిపోయింది. ఇక క్లింకార లక్ లిస్ట్ లో నిహారిక కూడా చేరిపోయింది.

నాగబాబు కూతురు నిహారిక.. విడాకుల తరువాత నటిగా కొనసాగుతున్న విషయంతెల్సిందే. ఒకపక్క నటిగా కొనసాగుతూనే ఇంకోపక్క నిర్మాతగా మారింది. పింక్ ఎలిఫెంట్ బ్యానర్ ను నిర్మించి అందులో వెబ్ సిరీస్ లు చేస్తూ వచ్చింది. ఇక మొట్ట మొదటిసారి ఆమె తన బ్యానర్ లో ఒక సినిమాను నిర్మించింది. అదే కమిటీ కుర్రోళ్లు.

యదు వంశీ దర్శకత్వంలో తెరకెక్కిన ఈ సినిమాలో అంతా 11 మంది హీరోలు. సందీప్ సరోజ్, యశ్వంత్ పెండ్యాల, ఈశ్వర్ రాచిరాజు, సాయి కుమార్, గోపరాజు రమణ,రమణ భార్గవ్, త్రినాథ్ వర్మ, టీనా శ్రావ్య, ప్రసాద్ బెహరా, రాధ్య సురేష్, తేజస్వి రావు తదితరులు నటించిన ఈ సినిమా నేడు ప్రేక్షకుల ముందుకు వచ్చింది.

ఇక ఈ సినిమా మొదటి షో నుంచి పాజిటివ్ టాక్ ను అందుకుంటుంది. చిన్ననాటి స్నేహితుల మధ్య గొడవలు, ఊర్లో ఉండే రాజకీయాలు.. ఇలా సినిమా మొత్తాన్ని కామెడీతో పాటు సెంటిమెంట్ తో కూడా నింపేశారు. నిజంగా ఇలాంటి ఒక కథను నిహారిక నమ్మి డబ్బు పెట్టి మంచి పని చేసిందనే చెప్పాలి. నటిగా మొదటి సినిమాతో హిట్ అందుకోలేకపోయినా.. నిర్మాతగా మొదటి సినిమాతోనే మంచి విజయాన్ని అందుకుంది.

ఇక ఈ లక్ మొత్తం క్లింకార అకౌంట్ లో పడిపోయింది. బుజ్జిదాని మీద అంత ప్రెషర్ పెట్టడం కరెక్ట్ కాకపోయినా.. ఆమె వచ్చాకనే మెగా ఫ్యామిలీకి కలిసి వచ్చింది అని చెప్పడంలో మాత్రం ఎలాంటి ఆతిశయోక్తి లేదని చెప్పొచ్చు. నిహారిక కూడా క్లింకార లక్ లో చేరిపోవడం ఆనందించదగ్గ విషయమే. మరి ఈ సినిమా ఎలాంటి రికార్డ్ కలక్షన్స్ అందుకుంటుందో చూడాలి.

Share

• 
• 
• 
• 
• 
•