NBK 108 Villain : నంద‌మూరి బాల‌కృష్ణ సినిమాల మీద సినిమాల‌ను లైన్‌లో పెట్టేస్తున్నారు. ఓ సినిమా పూర్త‌వ‌గానే మ‌రో సినిమాను ట్రాక్ ఎక్కించేస్తున్నారు. ప్ర‌స్తుతం ఆయ‌న న‌టిస్తోన్న 107వ చిత్రం ‘వీర సింహా రెడ్డి’. గోపీచంద్ మలినేని దర్శకత్వం వహిస్తోన్న ఈ సినిమా షూటింగ్ ఫైనల్ స్టేజ్‌కి చేరుకుంది. వ‌చ్చే ఏడాది సంక్రాంతికి సినిమా విడుద‌ల‌వుతుంది. ఈ సినిమా పూర్తి కాక మునుపే బాల‌య్య త‌న 108 సినిమాను అనౌన్స్ చేసేశారు. క‌మ‌ర్షియ‌ల్ ఎంట‌ర్‌టైన‌ర్ చిత్రాల‌కు కేరాఫ్ అయిన ద‌ర్శ‌కుడు అనీల్ రావిపూడి ఈ సినిమాను తెర‌కెక్కింనున్నారు. షైన్ స్క్రీన్స్ బ్యాన‌ర్‌పై హ‌రీష్ పెద్ది, సాహు గార‌పాటి ఈ సినిమాను నిర్మించ‌బోతున్నారు. ఈ మూవీకి సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి.

తాజా స‌మాచారం మేర‌కు NBK 108 చిత్రంలో ఓ బాల‌వుడ్ స్టార్ విల‌న్‌గా న‌టించ‌బోతున్నార‌ట‌. అత‌నెవ‌రో కాదు.. అర్జున్ రాంపాల్‌. బాల‌య్య‌కు ధీటుగా ఉండే ప్ర‌తి నాయ‌కుడి పాత్ర‌లో బాలీవుడ్ విల‌న్ అయితే బావుంటుంద‌ని భావించిన అనీల్ రావిపూడి అర్జున్ రాంపాల్‌ను సంప్ర‌దించార‌ట‌. ఆయ‌న కూడా ఓకే చెప్పేశార‌ని టాక్ వినిపిస్తోంది. నిజానికి అర్జున్ రాంపాల్ .. ప‌వ‌న్ క‌ళ్యాణ్ టైటిల్ పాత్రలో న‌టిస్తోన్న హ‌రి హ‌ర వీర మ‌ల్లు చిత్రంలో న‌టించాల్సింది. కానీ ఆ సినిమా షూటింగ్ వాయిదాలు ప‌డుతూ వ‌చ్చింది. దీంతో అర్జున్ రాంపాల్‌కి డేట్స్ స‌మ‌స్య వ‌చ్చింది. దీంతో ఆయ‌న ప్రాజెక్ట్ నుంచి త‌ప్పుకున్నార‌ని టాక్‌. ఇప్పుడు బాల‌య్య సినిమాతో ఎంట్రీ ఇవ్వ‌బోతున్నారు. ఇందులో నిజా నిజాలు తెలియాలంటే కొన్ని రోజులు వెయిట్ చేయాల్సిందే.

Share

• 
• 
• 
• 
• 
•