NBK 108 Heroine : నందమూరి బాలకృష్ణతో సినిమా చేసే దర్శకుడిని హీరోయిన్ సమస్య ఎప్పుడూ ఇబ్బంది పెడుతూ ఉంటుంది. ఆయన గత చిత్రాల విషయంలో నెట్టింట బాలయ్యకు హీరోయిన్ దొరకలేదనే వార్తలు బాగానే వినిపించాయి. అయితే బాలకృష్ణతో నెక్ట్స్ సినిమా చేస్తున్న దర్శకుడు మాత్రం అలాంటి వార్తలకు ఛాన్స్ ఇవ్వాలని అనుకోలేదు. అందుకనే సినిమా స్టార్టింగ్లోనే హీరోయిన్ని ఫిక్స్ చేసేసుకున్నారు. ఇంతకీ ఎవరా దర్శకుడో తెలుసా! అనీల్ రావిపూడి.
బాలకృష్ణ హీరోగా తదుపరి సినిమాను అనీల్ రావిపూడి డైరెక్ట్ చేయనున్నారు. అధికారిక ప్రకటన అయితే వచ్చేసింది. గత కొన్ని రోజులుగా దీనిపైనే అనీల్ ప్రీ ప్రొడక్షన్ వర్క్లో బిజీగా ఉంటున్నారు. ఎట్టకేలకు డిసెంబర్ 8న NBK 108 లాంఛనంగా ప్రారంభం కానుంది. తాజా సమాచారం మేరకు ఈ సినిమాలో హీరోయిన్గా ప్రియాంక జవాల్కర్ను ఫిక్స్ చేశారు. టాక్సీ వాలా, తిమ్మరుసు, ఎస్.ఆర్.కళ్యాణ మండపం చిత్రాల్లో ఆమె హీరోయిన్గా నటించిన సంగతి తెలిసిందే. అయితే స్టార్ హీరోతో ఆమె చేస్తున్న తొలి సినిమా ఇదే. ఈ సినిమా పెద్ద హిట్ అయితే ప్రియాంక కెరీర్కు ప్లస్ అవుతుందనటంలో సందేహం లేదు.
ప్రస్తుతం బాలకృష్ణ తన 107వ సినిమా వీర సింహరెడ్డి సినిమాను పూర్తి చేసే పనిలో ఉన్నారు. ఎందుకంటే సినిమాను సంక్రాంతి సందర్భంగా జనవరి 12న రిలీజ్ చేయబోతున్నారు. మైత్రీ మూవీ మేకర్స్ సంస్థ నిర్మిస్తోన్న ఈ సినిమాకు గోపీ చంద్ మలినేని దర్శకుడు. శ్రుతీ హాసన్ హీరోయిన్.