నటసింహ నందమూరి బాలకృష్ణ స్పీడు మీదున్నారు. వరుస సినిమాలు పూర్తి చేస్తున్నారు. ఓ సినిమా పూర్తవుతుందో లేదో నెక్ట్స్ సినిమాను సెట్స్ పైకి తీసుకెళుతున్నారు. ప్రస్తుతం ఆయన NBK 107గా రూపొందుతోన్న వీర సింహా రెడ్డి చిత్రీకరణతో బిజీగా ఉన్నారు. ఈ సినిమా ఫైనల్ షెడ్యూల్ ప్రస్తుతం రామోజీ ఫిల్మ్ సిటీలో జరుగుతుంది. ఈ సినిమా ముగియగానే కాస్త చిన్న బ్రేక్ తీసుకుని డిసెంబర్‌లో తన 108వ సినిమాను స్టార్ట్ చేయాలనేది బాలకృష్ణ ప్లాన్‌. కానీ ప్రస్తుతం వినిపిస్తోన్న వార్తల మేరకు ఇప్పుడా ప్లాన్స్‌ మారాయి. టాక్ మేరకు బాలయ్య తన 108వ సినిమాను డిసెంబర్‌లో కాకుండా జనవరిలో స్టార్ట్ చేయబోతున్నారట. అందుకు కారణం ఆయన బిజీ షెడ్యూల్ అని అంటున్నారు.

ప్రస్తుతం అన్‌స్టాపబుల్ సీజన్ 2 చిత్రీకరణలో బాలయ్య బిజీగా ఉన్నారు. దాన్ని వీలైనంత త్వరగా పూర్తి చేసేసిన తర్వాత NBK 108 ప్రాజెక్ట్‌ని స్టార్ట్ చేాయాలనుకుంటున్నారట మన నందమూరి నాయకుడు. కమర్షియల్ ఎంటర్‌టైనర్స్‌ను తెరకెక్కించటంలో దిట్ట అయిన అనీల్ రావిపూడి బాలకృష్ణతో సినిమా చేయబోతున్నారు. అయితే అనీల్ రావిపూడి సినిమాలంటే ఫన్ ఉంటుంది. కానీ తన గత చిత్రాలకు భిన్నంగా అనీల్ రావిపూడి బాలయ్య NBK 108ని తెరకెక్కించబోతున్నారు. సాహు గారపాటి, హరీష్ పెద్ది ఈ చిత్రాన్ని నిర్మిస్తున్నారు.

Share

• 
• 
• 
• 
• 
•