Naga Shaurya: సినిమాల్లోనే కాదు.. బయట కూడా హీరోనే అనిపించుకున్నాడు యంగ్ హీరో నాగశౌర్య. ఓయువకుడు యువతిని కొట్టగా.. కారు ఆపి మరీ వెళ్లి అడ్డుకున్నాడు. దగ్గరుండి మరీ సారీ చెప్పించాడు.
ఏం జరిగిందంటే..
హైదరాబాద్లో నడిరోడ్డుపై ఇద్దరు లవర్స్ గొడవపడ్డారు. ఆ గొడవకాస్త ముదరడంతో యువకుడు కోపంతో తన లవర్ చెంప చెల్లుమనిపించాడు. ఆదే సమయంలో అటుగా వెళ్తున్న హీరో నాగశౌర్య వారిని చూశాడు. వెంటనే కారు ఆపి వెళ్లి యువకుడిని అడ్డుకున్నాడు. ఎందుకలా కొడుతున్నావంటూ నిలదీశాడు. ఇంతలో ఆ యువకుడు అక్కడి నుంచి తప్పించుకొనే ప్రయత్నం చేయగా.. అతని చేయి పట్టుకొని క్షమాపణలు చెప్పాల్సిందేనని పట్టుబట్టాడు.
దీంతో యువకుడు ఆ అమ్మాయికి సారీ చెప్పాడు. ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతోంది. నెటిజన్లు నాగశౌర్యపై ప్రశంసలు కురిపిస్తున్నారు. రియల్ హీరో అంటూ కామెంట్లు పెడుతన్నారు.