Naga Chaitanya Watching ‘Manam’ Movie: సాధారణంగా కొన్ని జంటలను స్క్రీన్ మీద చూస్తే.. రియల్ జంటలుగా అనిపిస్తూ ఉంటారు. వారు భార్యాభర్తలుగా నటిస్తున్నారు అని కాకుండా జీవిస్తున్నారు అని అనిపిస్తూ ఉంటుంది. అలాంటి జంటల్లో అక్కినేని నాగ చైతన్య- సమంత ఒకటి. ఏ మాయ చేసావే చిత్రంతో ఈ జంట కెరీర్ ను మొదలుపెట్టింది. ఆ సినిమాలో వీరిని చూసినవారు అనుకున్న ఒకే మాట జంట చాలా బావుంది అని.. ఆ తరువాత ఇదే జంట రెండు మూడు సినిమాల్లో కనిపించింది. ఇక ప్రేమ పుకార్లు మొదలయ్యాయి.
చివరికి ఆ పుకార్లను నిజం చేస్తూ సామ్- చై 2017 లో పెళ్లితో ఒక్కటయ్యారు. ఆరోజు ఇండస్ట్రీ మాత్రం కాదు ప్రతి ప్రేక్షకుడు కూడా వీరిద్దరి జంట ఎంతో చూడముచ్చటగా ఉంది. నిండు నూరేళ్లు ఇలాగే ఉండాలని కోరుకున్నారు. కానీ, మనం ఒకటి తలిస్తే దైవం ఒకటి తలుస్తాడు అన్న చందాన.. నాలుగేళ్లు తిరక్కుండానే ఈ జంట మధ్య విబేధాలు పుట్టుకొచ్చాయి. ఆ విబేధాలు కాస్తా విడాకుల వరకు వెళ్లి సామ్ – చై విడిపోయారు.
ఇక విడాకుల తరువాత ఎవరి కెరీర్ లో వారు బిజీగా మారారు. నిజం చెప్పాలంటే విడాకుల తరువాత సామ్ అయినా చై ను మాజీ భర్త అని పిలుస్తుందేమో కానీ, చై.. ఎప్పుడు సామ్ తన ఫేవరేట్ అనే చెప్పుకొచ్చేవాడు. ఇప్పుడు వీరి విడాకుల గురించి ఎందుకు వచ్చింది అంటే.. వీరిద్దరూ కలిసి నటించిన మనం సినిమా గుర్తుంది కదా. అక్కినేని ఫ్యామిలీ మొత్తం కలిసి నటించిన ఈ సినిమా 10 ఏళ్లు పూర్తిచేసుకున్న సందర్భంగా నేడు హైదరాబాద్ లోని దేవి 70 MM లో స్పెషల్ స్క్రీనింగ్ వేశారు.
Also Read: Samantha: సోషల్ మీడియాను షేక్ చేయాలంటే సామ్ తరువాతనే ఎవరైనా.. ?
ఇక ఈ స్పెషల్ స్క్రీనింగ్ కు చై విచ్చేసి థియేటర్ లో అందరితో పాటు మనం సినిమా వీక్షిణించాడు. ఇందులో సామ్ తో పెళ్లి, రొమాన్స్ సీన్స్ చూసి సిగ్గుపడ్డాడు. ఇందుకు సంబంధించిన వీడియోలు, ఫోటోలు నెట్టింట వైరల్ గా మారాయి. తొలిప్రేమ సినిమాలో రాశిఖన్నా చెప్పినట్లు జ్ఞాపకాలు మంచివైనా చెడ్డవైనా మోయక తప్పదు అని చై ను చూస్తుంటే తెలుస్తోంది అని అభిమానులు కామెంట్స్ పెడుతున్నారు.