Devara Second Single Update: యంగ్ టైగర్ ఎన్టీఆర్ ‘ఆర్ఆర్ఆర్’తో గ్లోబల్ స్టార్‌గా గుర్తింపు సంపాదించుకున్నాడు. ఈ మూవీలో ఎన్టీఆర్ తన పాత్రతో అందరిచేత సెల్యూట్ చేయించుకున్నాడు. ఇప్పుడు కొత్త సినిమాతో వస్తున్నాడు. తనకు ఇది వరకు బ్లాక్ బస్టర్ హిట్లు అందించిన దర్శకుడు కొరటాల శివ డైరెక్షన్‌లో ‘దేవర’ మూవీ చేస్తున్నాడు. ఈ సినిమాపై అందరిలోనూ భారీ అంచనాలు ఉన్నాయి. దర్శకుడు కొరటాల శివ ఈ చిత్రాన్ని రెండు భాగాలుగా తెరకెక్కిస్తున్నాడు.

‘ఆర్ఆర్ఆర్’ తర్వాత వస్తున్న చిత్రం ఇదే కాబట్టి దీనిపై ఫుల్ హైప్ ఉంది. అంతేకాకుండా ఇప్పటికే ఈ మూవీ నుంచి విడుదలైన పోస్టర్లు, గ్లింప్స్ సినిమాపై మరింత అంచనాలు పెంచేయగా.. ఫియర్ సాంగ్‌తో అంచనాలు రెట్టింపయ్యాయి. ఈ ఫస్ట్ సింగిల్ అభిమానుల్లో ఫుల్ జోష్ క్రియేట్ చేసింది. ఇందులో వచ్చే ఎన్టీఆర్ ఎలివేషన్స్ ఫ్యాన్స్‌ను హోరెత్తించాయి. ఇక ఇప్పుడు మేకర్స్ రెండో సాంగ్ వదిలేందుకు సిద్ధమైనట్లు తెలుస్తోంది. ఎప్పట్నుంచో ఈ సెకండ్ సింగిల్ వస్తుందంటూ నెట్టింట ప్రచారం జరిగింది. ఇప్పుడు ఆ సెకండ్ సాంగ్‌ గురించి మ్యూజిక్ డైరెక్టర్ అనిరుధ్ ఓ అప్డేట్ అందించాడు.

Also Read: ‘దేవర’ మూవీ నుంచి సాంగ్ అప్డేట్..క్లూ ఇచ్చిన శేఖర్ మాస్టర్!

ఈ మేరకు ఓ ట్వీట్ చేశాడు. దేవర నుంచి ఓ సాంగ్ రాబోతున్నట్లు హింట్ ఇచ్చాడు. దీంతో ఎన్టీఆర్ ఫ్యాన్స్ ఫుల్ ఖుష్ అవుతున్నారు. అయితే అందుకు సంబంధించిన తేదీని వెల్లడించలేదు. ఏది ఏమైనా అనిరుధ్ అప్డేట్‌తో సినీ ప్రియులు ఫుల్ ఖుష్ అవుతున్నారు. అయితే ఫస్ట్ సాంగ్ ఫుల్ మాస్‌లో ఉండగా.. త్వరలో రాబోయే సెకండ్ సింగిల్ మాత్రం రొమాంటిక్‌‌గా సాగుతుందని తెలుస్తోంది.

తాజా సమాచారం ప్రకారం.. ఈ సాంగ్ ఈ వీకెండ్‌లో రిలీజ్ అయ్యే అవకాశం ఉందని తెలుస్తోంది. ఎందుకంటే ఇటీవల ఈ మూవీ హీరోయిన్ జాన్వీ కపూర్ చేసిన కామెంట్లు కూడా దీనికి తోడవుతున్నాయి. ఓ సాంగ్‌కి సంబంధించి డాన్స్ కూడా ప్రాక్టిస్ చేస్తున్నట్లు తెలిపింది. దీంతో ఆ సాంగ్ ఇదేనని అంతా అనుకుంటున్నారు. చూడాలి మరి ఈ సాంగ్ ఎలా ఉంటుందో. ఇకపోతే కొరటాల శివకు ఆచార్య సినిమాతో గట్టి దెబ్బ పడింది. అయితే ఈసారి దేవరతో బాక్సాఫీసు బాకీ తీర్చుకోవాలని కొరటాల చూస్తున్నాడు. మరి ఏమవుతుందో చూడాలి.

#Devara 🎶🎶🎶

— Anirudh Ravichander (@anirudhofficial) July 30, 2024

Share

• 
• 
• 
• 
• 
•