Chiranjeevi: పవర్ స్టార్ పవన్ కల్యాణ్-భూమిక జంటగా నటించిన ‘ఖుషి’ మూవీ ఎంతటి విజయం సాధించిందో అందరికీ తెలిసిందే. ముఖ్యంగా భూమిక నడుము సీన్ ప్రేక్షకులను ఎంతగానో ఆకట్టుకుంది. ఇప్పటికీ ఈ సీన్ టీవీల్లో వస్తే చాలా మంది రెప్పవాల్చకుండా చూస్తుంటారు. గాలికి భూమిక చీరకొంగు కొట్టుకుపోగా.. పవన్ కల్యాణ్ పదే పదే నడుము చూస్తాడు. ఈక్రమంలో వారిద్దరి మధ్య చిన్నపాటి మాటల యుద్ధం జరుగుతుంది. అప్పట్లో ఈసీన్ రాగానే థియేటర్లన్నీ దద్దరిళ్లిపోయాయి.
ఇక మెహర్ రమేశ్ దర్శకత్వంలో మెగాస్టార్ చిరంజీవి ‘భోళా శంకర్’ సినిమాలో నటిస్తున్న విషయం తెలిసిందే. ఈ సినిమాలో ప్రముఖ యాంకర్, నటి శ్రీముఖి కూడా నటిస్తోంది. అయితే ‘ఖుషి’ సినిమాలోని నడుము సీన్ను శ్రీముఖిపై భోళాశంకర్ సినిమాలో రిపీట్ చేశారట. అలాగే చిరంజీవి గతంలో నటించిన చూడాలని ఉంది సినిమాలోని రామ్మా చిలకమ్మా పాటను కూడూ ఈ మూవీలో రీమిక్స్ చేశారట. ప్రస్తుతం ఈ రెండు వార్తలు సోషల్ మీడియాలో హల్చల్ చేస్తోంది.
ఇక భోళాశంకర్ విషయానికొస్తే.. మెహర్ రమేశ్ దర్శకత్వం వహిస్తున్న ఈ సినిమాను అనిల్ సుంకర నిర్మిస్తున్నారు. మెగాస్టార్ చిరంజీవి సరసన మిల్క్ బ్యూటీ తమన్నా నటిస్తుండగా.. స్టార్ హీరోయిన్ కీర్తి సురేష్ చిరుకు చెల్లెలిగా నటిస్తోంది. రావు రమేష్, రవిశంకర్, శ్రీముఖి, ప్రగతి, బిత్తిరి సత్తి ప్రధాన పాత్రలో నటిస్తున్నారు.