Dil Raju : టాలీవుడ్ అగ్ర నిర్మాత, డిస్ట్రిబ్యూటర్స్‌లో ఒక‌రైన దిల్‌రాజు చేస్తున్న క్రేజీ ప్రాజెక్ట్స్‌లో వార‌సుడు ఒక‌టి. త‌మిళ అగ్ర హీరో ద‌ళ‌ప‌తి విజ‌య్ క‌థానాయ‌కుడిగా వంశీ పైడిప‌ల్లి ద‌ర్శ‌క‌త్వంలో తెర‌కెక్కుతోన్న సినిమా ఇది. రానున్న సంక్రాంతికి మూవీ రిలీజ్ అవుతుంది. దీని కార‌ణంగా మెగా స్టార్ చిరంజీవి.. నంద‌మూరి ఫ్యాన్స్ దిల్ రాజుని తిడుతున్నారు. అందుకు కార‌ణ‌మేంటో తెలుసా!.. సంక్రాంతికి చిరంజీవి మూవీ వాల్తేరు వీర‌య్య‌, నంద‌మూరి బాల‌కృష్ణ టైటిల్ పాత్ర‌లో న‌టించిన వీర సింహా రెడ్డి సినిమా రిలీజ్ అవుతుంది. ఈ రెండు స్ట్ర‌యిట్ సినిమాల కంటే డ‌బ్బింగ్ సినిమాగా రూపొందుతోన్న వార‌సుడు సినిమాకు నైజాంలో దిల్ రాజు ఎక్కువ థియేట‌ర్స్‌ను రిలీజ్ అయ్యేలా ప్లాన్ చేశార‌ట‌.

దిల్ రాజు తీసుకున్న నిర్ణ‌యంపై మెగా, నంద‌మూరి ఫ్యాన్స్ ఆయ‌న‌పై గ‌రం అవుతున్నారు. ఆయ‌న గ‌తంలో స్ట్ర‌యిట్ సినిమాల కంటే ఎంత పెద్ద హీరో న‌టించిన డ‌బ్బింగ్ సినిమా అయినా పెద్ద విష‌యం కాద‌ని చెప్పిన వీడియోను ఫ్యాన్స్ నెట్టింట వైర‌ల్ చేస్తున్నారు. రెండు పెద్ద‌ త‌మిళ సినిమాలు రిలీజ్ అవుతుంటే వారు తెలుగు సినిమా రిలీజ్‌కు స‌హ‌క‌రించ‌రు. కానీ మీరెలా తమిళ చిత్రాన్ని స‌పోర్ట్ చేస్తున్నారంటూ ప్ర‌శ్నిస్తున్నారు. మ‌రి దీనిపై దిల్ రాజు ఎలా రియాక్ట్ అవుతారో చూడాలి మ‌రి.

Share

• 
• 
• 
• 
• 
•