Mass Maharaja’s surgery, confirmed PR team: టాలీవుడ్‌లో మాస్ మహారాజా అనగానే మనకు టక్కున గుర్తుకువచ్చేది హీరో రవితేజ. ఈ హీరో మాస్ ఇమేజ్‌తో ఎంతో మంది ఫ్యాన్స్‌ని సంపాదించుకున్నాడు. అంతేకాకుండా తన డైలాగ్‌, కామెడీతో అటు మాస్, ఇటు క్లాస్ ఆడియెన్స్‌ని తనవైపు తిప్పుకున్నాడు. ఇక ఇదిలా ఉంటే.. తాజాగా రవితేజ శస్త్రచికిత్స చేయించుకున్నట్టు రవితేజ పిఆర్ టిమ్ కన్‌ఫర్మ్ చేసింది. దీంతో రవితేజ ఫ్యాన్స్ కంగారుపడుతున్నారు. అయితే మ్యాటర్ తెలుసుకున్న టీమ్.. ఫ్యాన్స్‌ అంతగా టెన్షన్ పడాల్సిందేమి లేదంటూ కొద్దిపాటి శస్త్ర చికిత్స అంటూ తెలిపారు.

Also Read: నటి సిల్క్‌స్మిత కొరికిన ఆపిల్ ఎంత ధర పలికిందో తెలుసా..

అసలు ఈ ఘటన ఎలా జరిగిందంటే.. హీరో రవితేజ ఇటీవల ఆర్టీ 75వ సినిమా షూటింగ్ సమయంలో ప్రమాదం జరగగా తన కుడిచేతిలోని కండరాలు పట్టుకున్నాయి. అయితే ఆ గాయం ఉన్నప్పటికీ దానిని లెక్కచేయకుండా రవితేజ అలాగే తన షూటింగ్‌ని కంటిన్యూ చేశాడు. ఆ షూటింగ్ పూర్తి చేసే టైమ్‌లో అది కాస్త తీవ్రం కావడంతో నొప్పి భరించలేక నిన్న యశోద హాస్పిటల్‌లో అడ్మిట్ అయ్యాడు. నిన్న తనని పరీక్షించిన వైద్యులు శస్త్రచికిత్స చేశారు. ఈ వైద్యం విజయవంతం కావడంతో అందరూ ఊపిరిపీల్చుకున్నారు. రవితేజ పూర్తిగా కోలుకోవడానికి ఆరువారాల బెడ్ రెస్ట్ తీసుకోవాలిని యశోద వైద్యులు సూచించారు.

Share

• 
• 
• 
• 
• 
•