Tollywood Actor Thiruveer Wedding Photos Got Viral: టాలీవుడ్లో మరోక హీరో బ్యాచిలర్ లైఫ్కు గుడ్ బై చెప్పేశాడు. ‘మసూద’ మూవీలో హీరోగా నటించిన తిరువీర్ తాజాగా కల్పన రావు అనే అమ్మాయిని మ్యారేజ్ చేసుకున్నాడు. ఇందులో భాగంగా తన హల్దీ, మెహందీ, పెళ్లి ఫొటోలను సోషల్ మీడియాలో షేర్ చేశాడు. అయితే వీరిది ఎరేంజిడ్ మ్యారేజ్ ఆ.. లేక లవ్ మ్యారేజ్ ఆ అనేది తెలియలేదు. ప్రస్తుతం అందుకు సంబంధించిన ఫొటోలు మాత్రం సోషల్ మీడియాలో వైరల్ అవుతున్నాయి. దీంతో చాలామంది సెలబ్రెటీలు, అభిమానులు ఈ కొత్త జంటకు శుభాకాంక్షలు తెలుపుతున్నారు.
ఇక తిరువీర్ సినిమాల విషయానికొస్తే.. ‘బొమ్మల రామారం’ సినిమాతో నటుడిగా టాలీవుడ్ ఎంట్రీ ఇచ్చాడు. అయితే ఈ మూవీతో క్యారెక్టర్ ఆర్టిస్టుగా పరిచయం కావడంతో.. అక్కడ నుంచి వరుసగా క్యారెక్టర్ ఆర్టిస్టు పాత్రలే వచ్చాయి. ఎన్నో బ్లాక్ బస్టర్ హిట్ సినిమాల్లోనూ నటించి తనకంటూ ప్రత్యేక గుర్తింపు సంపాదించుకున్నాడు.
అయితే అతడికి రానా నటించిన ‘ఘాజీ’ సినిమాతో మంచి పేరు వచ్చింది. ఆ తర్వాత కూడా చిన్న చిన్న సినిమాల్లో నటించాడు. ఇక తొలిసారిగా ‘జార్జి రెడ్డి’ సినిమాలో విలన్గా నటించే ఛాన్స్ వచ్చింది. ఈ మూవీలో తిరువీర్ విలనిజానికి ప్రేక్షకులు ఫిదా అయిపోయారు. దీంతో అతడికి విలన్గా కూడా ఆఫర్లు వచ్చాయి. అక్కడ నుంచి కొన్ని సినిమాల్లో విలన్ పాత్రలో నటించి అందరి దృష్టిలో పడ్డాడు.
Also Read: కంటెంట్ ఉన్న సినిమాలకు సీజన్ తో పనిలేదు.. “మసూద” నిరూపించింది: దిల్ రాజు
A new beginning….❤️❤️❤️ pic.twitter.com/ws3NgbprQ2
— Thiruveer (@iamThiruveeR) April 21, 2024
అతడి కెరీర్ టర్నింగ్ పాయింట్ నాని నటించిన ‘టక్ జగదీష్’. ఈ మూవీలో విలన్గా నటించిన తిరువీర్ తన నటనతో అందరినీ ఆకట్టుకున్నాడు. దీంతో ఒక్కసారిగా హీరోగా ఛాన్స్ కొట్టేశాడు. ‘మసూద’లో హీరోగా అవకాశం దక్కించుకున్నాడు. ఈ మూవీ సైలెంట్గా వచ్చి ఎవరూ ఊహించని ఘన విజయాన్ని సొంతం చేసుకుంది.
Also Read: Amitabh Bachchan: కల్కి కోసం అమితాబ్ ఎన్ని కోట్లు తీసుకున్నాడంటే.. ?
మొత్తంగా మసూద మూవీ తిరువీర్ కెరీర్ని మార్చేసింది. క్యారెక్టర్ ఆర్టిస్టుగా కెరీర్ను స్టార్ట్ చేసిన తిరువీర్ ఇప్పుడు హీరోగా మారి సూపర్ హిట్ సాధించాడు. అయితే ఇప్పుడు అతడి లైనప్లో మూడు సినిమాలు ఉన్నాయి. అందులో పారాహుషార్, మోక్షపఠం కాగా మరొకటి ఇంకా తెలియాల్సి ఉంది.