Malayalam actor Mohanlal Hospitalised: ప్రముఖ మలయాళ హీరో మోహన్ లాల్ ఆసుపత్రిలో చేరారు. తీవ్ర జ్వరంతో ఇబ్బంది పడుతున్న ఆయనను కేరళలోని కొచిలో ఉన్న ఎయిమ్స్ హాస్పిటల్ లో చేర్పించారు. ప్రస్తుతం ఆయనకు వైద్యులు చికిత్స అందిస్తున్నారు. ఈ సందర్భంగా వైద్యులు మాట్లాడుతూ.. మోహన్ లాల్ తీవ్ర జ్వరం, శ్వాస తీసుకోవడంలో ఇబ్బంది పడుతున్నారని చెప్పారు. ప్రస్తుతం ఆయనకు చికిత్స అందిస్తున్నామని పేర్కొన్నారు. ఐదు రోజులు రెస్ట్ తీసుకోవాలని, రద్దీగా ఉన్న ప్రాంతాల్లోకి వెళ్లొద్దంటూ మోహన్ లాల్ కు సూచించినట్లు వారు వివరించారు.

Also Read: ‘హీరోగారికి నమస్కారం పెట్టలేదు అందుకే నన్ను తీసేశారు’.. ప్రముఖ నటుడి తీవ్ర ఆరోపణలు!

మోహన్ లాల్ దర్శకత్వం వహించిన బర్రోజ్ మూవీ అక్టోబర్ 2న రిలీజ్ కానున్నది. ఇందుకు సంబంధించిన పోస్ట్ ప్రొడక్షన్ వర్క్ ను కంప్లీట్ చేసే పనిలో ఉన్నది ఆ చిత్ర బృందం. వాస్తవానికి ఈ చిత్రం మార్చి 28న విడుదల కావాల్సి ఉన్నది. కానీ, పలు కారణాల వల్ల అక్టోబర్ 2కు వాయిదా పడింది. ఈ సినిమా రిలీజ్ కోసం ప్రేక్షకులు భారీగా ఎదురుచూస్తున్నారు.

ఇదిలా ఉంటే.. ఇటీవల వయనాడ్ లో కొండచరియలు విరిగిపడి ప్రజలు తీవ్ర ఇబ్బందులు పడుతున్న నేపథ్యంలో ఆర్మీతోపాటు ఆయన కూడా సహాయక చర్యల్లో పాల్గొన్న విషయం తెలిసిందే.

Share

• 
• 
• 
• 
• 
•