Mahesh Babu: గుంటూరు కారం తరువాత సూపర్ స్టార్ మహేష్ బాబు.. రాజమౌళి దర్శకత్వంలో SSMB29 లో నటిస్తున్న విషయం తెల్సిందే. ఈ సినిమా కోసం మహేష్ తన లుక్ మొత్తాన్ని మార్చేస్తున్నాడు. లాంగ్ హెయిర్, గడ్డం, ఫిజిక్ తో మంచిగా రెడీ అవుతున్నాడు. ఇక ఈ లుక్ బయటకు రాకుండా ఎంత ప్రయత్నించినా ఎక్కడో ఒకచోట మహేష్.. కెమెరా కంటికి చిక్కుతున్నాడు.
తాజాగా నేడు మహేష్.. హైదరాబాద్ ఎయిర్ పోర్ట్ లో ముంబై వెళ్తూ కనిపించాడు. మహేష్ తో పాటు నమ్రత కూడా కనిపించింది. మొన్నటివరకు ఫ్యామిలీతో వెకేషన్ లో ఉన్న మహేష్.. సడెన్ గా ముంబైకి ఎందుకు వెళ్తున్నాడబ్బా.. ? అది కూడా ఈ లుక్ లో అని అభిమానులు ఆరాలు తీయడం మొదలుపెట్టారు. ఇక అందుతున్న సమాచారం ప్రకారం.. మహేష్ బాబు కూడా అంబానీ పెళ్ళికి వెళ్తున్నట్లు సమాచారం.
నేడు ముంబైలో అనంత్ అంబానీ- రాధికా మర్చంట్ వివాహం గ్రాండ్ గా జరుగుతున్న విషయం తెల్సిందే. ఈ పెళ్ళికి హాలీవుడ్, బాలీవుడ్ నుంచి పెద్ద పెద్ద సెలబ్రిటీలు హాజరుకానున్నారు. ఇక తెలుగు ఇండస్ట్రీ నుంచి ఇప్పటికే రామ్ చరణ్ దంపతులు ఈ పెళ్ళికి హాజరుకావడానికి నిన్ననే ముంబైకి చేరుకున్నారు.
ఇక ఇప్పుడు మహేష్ కూడా ఈ గ్రాండ్ మ్యారేజ్ కు అటెండ్ కావడానికే వెళ్తున్నట్లు తెలుస్తోంది. మహేష్ బాబు.. వైలెట్ కలర్ టీ షర్ట్, లాంగ్ హెయిర్, గడ్డంతో అల్ట్రా స్టైలిష్ లుక్ లో కనిపించాడు. ప్రస్తుతం ఈ ఫోటోలు నెట్టింట వైరల్ గా మారాయి. మరి పెళ్ళిలో సాంప్రదాయ మైన దుస్తుల్లో.. ఈ లాంగ్ హెయిర్ తో మహేష్ ఎలా ఉండనున్నాడో చూడాలి.