LEO: కోలీవుడ్ స్టార్ హీరో విజయ్, త్రిష జంటగా నటించిన ఫిల్మ్ ‘లియో’. దర్శకుడు లోకేశ్ కనగరాజ్ ఈ మూవీని తెరకెక్కించారు. గతేడాది ఎన్నో అంచనాల నడుమ ప్రేక్షకుల ముందుకు వచ్చి మంచి హిట్ అందుకుంది. మిక్స్‌డ్ టాక్ వచ్చినప్పటికీ కలెక్షన్లలో మాత్రం తన హవా చూపించింది. థియేట్రికల్ రన్ ద్వారా దాదాపు రూ.600 కోట్ల వరకు కలెక్ట్ చేసింది.

అయితే ఈ మూవీని టీవీల్లో వీక్షించేందుకు చాలామంది ఆడియన్స్ ఎదురుచూసిన నేపథ్యంలో రీసెంట్‌గా ఇది టెలివిజన్‌లోకి వచ్చింది. అయితే అక్కడ భారీ టీఆర్పీ నమోదు చేస్తుందని.. రికార్డులు బ్రేక్ చేస్తుందని అంతా అనుకున్నారు. కానీ అలా జరగలేదు. తమిళ్‌లో విజయ్‌కు బాగా క్రేజ్ ఉండటంతో అక్కడ మంచి రేటింగ్ వచ్చింది. కానీ.. తెలుగులో మాత్రం దారుణంగా దెబ్బ పడింది.

ఈ మూవీ తమిళ వెర్షన్ సన్ టీవీలో ప్రసారం అయ్యి అక్కడ దాదాపు 16.30 రేటింగ్ తెచ్చుకుని అందరినీ అబ్బురపరచింది. అయితే తెలుగు వెర్షన్ జెమినీ టీవీలో ప్రసారం కాగా.. అక్కడ మాత్రం ఎవరూ ఊహించని టీఆర్పీని నమోదు చేసి షాక్ ఇచ్చింది. కేవలం 3 రేటింగ్ మాత్రమే అందుకుని ఆశ్చర్యపరచింది. దీని ప్రకారం చూస్తే.. కేవలం విజయ్, లోకేశ్ కాంబో హైప్ వల్ల మాత్రమే సినిమా ఆడిందని అర్థం అవుతోంది.

Share

• 
• 
• 
• 
• 
•