KTR Ram Charan Together For Unstoppable 2 With NBK: తెలుగు ఓటీటీ మాధ్యమం ఆహాకు అప్పటి వరకు ఉన్న గుర్తింపు వేరు.. అన్స్టాపబుల్ తర్వాత వచ్చిన గుర్తింపు వేరు. నందమూరి బాలకృష్ణను షోకు హోస్ట్ చేయటమే మేజర్ అడ్వాంటేజ్.. దాన్ని ఆయన హోస్ట్ చేస్తోన్న తీరు.. వాటిని వస్తున్న గెస్టులు.. వారు చెబుతున్న సమాధానాలు అన్నీ అన్స్టాపబుల్ టాక్షోను దేశంలోనే నెంబర్ వన్ ప్లేస్లో నిలబెట్టాయి. ఇప్పుడు ఈ అన్స్టాపబుల్ సీజన్ 2 రన్ అవుతుంది. ఈ సీజన్లో ఇప్పటికే ప్రభాస్ అడుగు పెట్టేశాడు. ఆయన ఎపిసోడ్లో ఓ పార్ట్ ప్రేక్షకుల ముందుకు వచ్చేసింది. ఇక మరో ఎపిసోడ్ రావాల్సి ఉంది.
అలాగే పవర్ స్టార్.. జనసేనాని పవన్ కళ్యాణ్కి సంబంధించిన ఎపిసోడ్ చిత్రీకరణ ముగిసింది. ఈ ఎపిసోడ్ కోసం అభిమానులు, చిత్ర పరిశ్రమే కాదండోయ్.. రాజకీయ వర్గాలు సైతం ఆసక్తిగా ఎదురు చూస్తున్నాయి. కాగా.. ఈ సీజన్కు కిక్ ఇచ్చే మరో ఎపిసోడ్ను నిర్వాహకులు ప్లాన్ చేశారనే వార్తలు నెట్టింట వైరల్ అవుతున్నాయి. తెలంగాణ మంత్రి కేటీఆర్.. టాలీవుడ్కి చెందిన స్నేహితుడు రామ్ చణ్ కలిసి రాబోతున్నారట. కేటీఆర్కు తెలుగు సినీ ఇండస్ట్రీతో సత్సంబంధాలున్నాయి. చాలా మంది అగ్ర కథానాయకులతో ఆయన టచ్లో ఉంటారు. అలాంటి వారిలో రామ్ చరణ్ ఒకరు. మరి దీనికి సంబంధించిన ప్రకటన ఎప్పుడు రానుందో చూడాలి మరి.