KA Movie Collections Day 1.. రాజావారు రాణిగారు అనే సినిమాతో తెలుగు ప్రేక్షకులకు పరిచయమయ్యారు యంగ్ హీరో కిరణ్ అబ్బవరం (Kiran Abbavaram). ఇండస్ట్రీలోకి రాకముందు వ్యక్తిగతంగా ఎన్నో ఇబ్బందులు ఎదుర్కొన్న కిరణ్ అబ్బవరం.. ఇండస్ట్రీలోకి వచ్చి నిలదొక్కుకునే ప్రయత్నం చేస్తున్నారు. ఈ క్రమంలోనే తన తొలి చిత్రంలో హీరోయిన్ గా నటించిన రహస్య ఘోరక్ తో ప్రేమలో పడి ఇటీవలే వివాహం చేసుకున్నారు. వివాహం అనంతరం ఆయన నటించిన తొలి చిత్రం క. భారీ అంచనాల మధ్య విడుదలైన ఈ సినిమా యావరేజ్ టాక్ ను సొంతం చేసుకుంది. సస్పెన్స్ థ్రిల్లర్ మూవీగా వచ్చిన క సినిమా మొదటిరోజు ఏ మేరా కలెక్షన్లు రాబట్టింది అనే విషయం ఇప్పుడు చూద్దాం.

దీపావళి సందర్భంగా విడుదలైన కిరణ్ క మూవీ.

పీరియాడిక్ థ్రిల్లర్ మూవీగా వచ్చిన క సినిమాలో నయన్ సారిక (Nayan Sarika) , తన్విరామ్ (Thanvu Ram) హీరోయిన్లుగా నటించారు. దర్శక ద్వయం సుజీత్, సందీప్ ఈ సినిమాని విలేజ్ బ్యాక్ డ్రాప్ లో తెరకెక్కించారు. శ్రీమతి చింతా వరలక్ష్మి సమర్పణలో శ్రీ చక్రాస్ ఎంటర్టైన్మెంట్ బ్యానర్ పై గోపాలకృష్ణారెడ్డి ఈ సినిమాను నిర్మించగా, దీపావళి కానుకగా అక్టోబర్ 31న ఈ సినిమా విడుదలైంది. ఇక ఈ సినిమా క అనే ఒకే అక్షరాన్ని టైటిల్ గా పెట్టడంతో విడుదలకు ముందు నుంచే ఆసక్తి నెలకొంది.

సస్పెన్స్ థ్రిల్లర్ గా విడుదల..

దీనికి తోడు ఈ స్టోరీ 1977లో సాగుతోంది. హీరో కిరణ్ అబ్బవరం అభినయ వాసుదేవ అనే పాత్ర పోషించగా ఇందులో అనాథ.. బాల్యం మొత్తం అనాథాశ్రమంలో సాగించి, ఆ తర్వాత పోస్ట్మాన్ గా ఉద్యోగం సంపాదించుకుంటాడు. పెద్దయ్యాక క్రిష్ణగిరి అనే ఒక కొండ గ్రామంలో పోస్ట్మాన్ గా చేరుతాడు. ఈ క్రమంలో ఆ ఊరి పోస్ట్ ఆఫీస్ హెడ్ గా పనిచేస్తున్న రంగారావు కూతురు సత్యభామతో ప్రేమలో పడతాడు. కథ హ్యాపీగానే సాగుతున్న తరుణంలో ఆ వూరి అమ్మాయిలు కిడ్నాప్ అవుతూ ఉంటారు. చివరిగా దొంగతనంగా వేరే వాళ్ళ ఉత్తరాలు చదివే అలవాటున్న వాసుదేవ్ కి ఒక ఉత్తరం ద్వారా అమ్మాయిలు మిస్సింగ్ కేసు కు సంబంధించిన క్లూ దొరుకుతుంది. ఆ క్లూ ద్వారా మిస్టరీ కేసును ఎలా చేదించాడు అనేది ఈ చిత్రం.

తొలిరోజు రూ.3.8 కోట్ల కలెక్షన్స్..

మరి ఇంత అద్భుతమైన కథతో బాక్సాఫీస్ వద్ద బరిలోకి దిగిన ఈ సినిమా మొదటి రోజు ఏ విధంగా కలెక్షన్లు వసూలు చేసింది అనే విషయానికి వస్తే.. ఈ సినిమా తొలి రోజు రూ.3.8 కోట్ల కలెక్షన్స్ వసూలు చేసింది. ఒకవైపు పండుగ, ఇంకోవైపు హాలిడేస్ ఉండడంతో సినిమా కలెక్షన్లు మరింత పెరుగుతాయని చిత్ర బృందం భావిస్తోంది. మొత్తానికైతే ఈ సినిమాతో కిరణ్ అబ్బవరం మళ్లీ కం బ్యాక్ అవుతారని ఫ్యాన్స్ కూడా భావిస్తున్నారు. ఈ సినిమా హిట్ టాక్ సొంతం చేసుకోవడంతో హీరో కాస్త ఊరట పొందారు అని చెప్పవచ్చు.

Share

• 
• 
• 
• 
• 
•