Kangana Ranaut: బాలీవుడ్ ఫైర్ బ్రాండ్ కంగనా రనౌత్ గురించి ప్రత్యేకంగా చెప్పక్కర్లేదు. ఏ విషయాన్ని అయినా కుండ బద్ధలు కొట్టినట్లు చెప్పేస్తుంది ఈ బ్యూటీ. ప్రతి విషయంలోనూ తనదైన శైలిలో వివాదాస్పద వ్యాఖ్యలు చేస్తూ.. కాంట్రవర్సీ క్వీన్గా పేరు తెచ్చుకుంది. ఇక ఇప్పుడు జనరేషన్ జెడ్(1997 నుంచి 2012 మధ్యపుట్టినవారు)పై తీవ్ర స్థాయిలో విమర్శలు చేసింది.
తన ఇన్స్టా స్టోరీలో..‘‘జనరేషన్ జెడ్ వాళ్లు తప్పుడు మార్గాల్లో ఎదిగిన వారినే గౌరవిస్తారు. కష్టపడి తమ కాళ్లపై తాము ఎదిగిన వాళ్లంటే వారికి ఇష్టముండదు. వాళ్లు ఇతరులతో ఇంటరాక్ట్ కావడం, చదవడం కంటే ఫోన్లోనే ఎక్కువ సమయం గడిపేస్తుంటారు. ఆఫీసుల్లో బాస్కు రెస్పెక్ట్ ఇవ్వరు కానీ.. ఆ పొజీషన్ కావాలనుకుంటారు.
ఇతరులను ఇంప్రెస్ చెయ్యడానికి ట్రై చేస్తారు. వాళ్ల పరిస్థితిని చూసుకోరు. ఏ విషయంలో అయినా సోమరితనంగా వ్యవహరిస్తారు. చివరికి శృంగారంలో కూడా బద్ధకంగా వ్యవహరిస్తున్నారని ఇప్పటికే పలు అధ్యయనాలు వెల్లడించాయి. వీళ్లను ఈజీగా మానిప్యులేట్ చేయొచ్చు’’ అని రాసుకొచ్చింది.