JR NTR Left Hand Injured: టాలీవుడ్ స్టార్ హీరో, యంగ్ టైగర్ జూనియర్ ఎన్టీఆర్ కు రోడ్డుప్రమాదం జరిగిందంటూ ప్రచారం జరుగుతోంది. ఈ ప్రచారాన్ని ఎన్టీఆర్ టీమ్ ఖండించింది. ఆయనకు ఎలాంటి రోడ్డు ప్రమాదం జరగలేదని స్పష్టం చేసింది. ఆ వార్తలు అవాస్తవమని, వాటిని నమ్మి ఎవరూ కంగారు పడొద్దని సూచించింది.

ఎన్టీఆర్ కు గాయమైన మాట వాస్తవమే కానీ.. అది కొద్దిరోజుల క్రితం జిమ్ చేస్తుండగా ఎడమ చేతి మణికట్టుకు గాయమైందని ఎన్టీఆర్ టీమ్ తెలిపింది. వైద్యులను సంప్రదించామని, విశ్రాంతి అవసరమని వైద్యులు చెప్పారన్నారు. కొద్దిరోజులు రెస్ట్ తీసుకున్న అనంతరం.. ఎన్టీఆర్ షూటింగ్ లో పాల్గొంటారని టీమ్ వెల్లడించింది. ఈ మేరకు సోషల్ మీడియాలో పోస్ట్ పెట్టింది.

గత అర్థరాత్రి జూబ్లిహిల్స్ లో జూనియర్ ఎన్టీఆర్ కారుకు జరిగిన రోడ్డుప్రమాదంలో ఆయనకు గాయాలయ్యాయని ఒక ప్రచారం జరిగింది. అయితే ఆయన చేతులకు గాయాలయ్యాయని, ప్రాణాలకేమీ ప్రమాదం లేదన్నది దాని సారాంశం. ఈ విషయాన్నే ఎన్టీఆర్ టీమ్ ఖండించింది.

ఇక జూనియర్ ఎన్టీఆర్ దేవర చిత్రం షూటింగ్ ను శరవేగంగా జరుపుకుంటోంది. కొరటాల శివ దర్శకత్వం వహిస్తున్న ఈ సినిమాలో జాన్వీకపూర్ ఎన్టీఆర్ కు జోడీగా నటించింది. ఇటీవలే సినిమా నుంచి రిలీజైన చుట్టమల్లే సాంగ్ సోషల్ మీడియాలో వైరల్ అవుతోంది. ఇక దేవర సినిమా రెండు భాగాలుగా రానున్నట్లు చిత్రయూనిట్ గతంలోనే చెప్పింది.

#DevaraOnSep27 @tarak9999 pic.twitter.com/fvSCT9Eugz

— devipriya (@sairaaj44) August 14, 2024

Share

• 
• 
• 
• 
• 
•