Jr NTR Return to Hyderabad: టాలీవుడ్ యంగ్ టైగర్ జూనియర్ ఎన్టీఆర్ నటిస్తున్న లేటెస్ట్ మూవీ ‘దేవర’. ఈ సినిమాకు కొరటాల శివ దర్శకత్వం వహిస్తున్నారు. కొరటాల శివ, ఎన్టీఆర్ కాంబోలో వస్తున్న రెండో సినిమా. అంతకుముందు వీరి కాంబోలో వచ్చిన ‘జనతా గ్యారేజ్’ సూపర్ హిట్ అయింది. ‘దేవర’ సినిమా ద్వారా బాలీవుడ్ బ్యూటీ జాన్వీకపూర్ టాలీవుడ్లో ఎంట్రీ ఇస్తోంది. తాజాగా, గోవాలో షూటింగ్ పూర్తి చేసుకున్న జూనియర్ ఎన్టీఆర్ హైదరాబాద్కు తిరిగి వచ్చారు. ఈ సినిమాపై అభిమానుల్లో భారీ అంచనాలు నెలకొన్నాయి.
ఎయిర్ పోర్టులో సందడి..
హైదరాబాద్ ఎయిర్ పోర్టులో జూనియర్ ఎన్టీఆర్ సందడి చేశారు. ఎన్టీఆర్ వస్తుండగా.. అభిమానులు చూసేందుకు ఎగబడ్డారు. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది. గోవాలో షూటింగ్ సక్సెస్ ఫుల్గా పూర్తి చేసుకొని వచ్చారు. అయితే దేవర సినిమా షూటింగ్ ఊహించిన దానికంటే వేగంగా జరుగుతున్నాయి. ఇప్పటికే గోవాలో కీలక సన్నివేశాలను చిత్రీకరించారు. దాదాపు జులైలోగా సినిమా షూటింగ్ పూర్తయ్యేలా మేకర్స్ ప్లాన్ చేశారు. పోస్ట్ ప్రొడక్షన్ పనులు సైతం వేగంగా జరుగుతున్నాయి. ఎప్పుడెప్పుడా అని ఎదురుచూస్తున్న ఫ్యాన్స్కు త్వరలోనే శుభవార్త అందనుంది.
Tags
Share