Jagapathi Babu: టాలీవుడ్‌లో సీనియర్ హీరో జగపతి బాబుకు ఉన్న ఫాలోయింగ్ గురించి ప్రత్యేకంగా చెప్పనక్కర్లేదు. ఫ్యామిలీ హీరోగా అదరగొట్టిన జగపతి బాబు.. సెకండ్ ఇన్నింగ్స్‌లో విలన్ క్యారెక్టర్‌లో రాణిస్తున్నాడు. ప్రస్తుతం జగపతి బాబు వరుస సినిమాలతో ఫుల్ బిజీగా ఉన్నాడు. సమయం దొరికినప్పుడల్లా సోషల్ మీడియాలో ఇంట్రెస్టింగ్ విషయాలను ఫ్యాన్స్‌తో పంచుకుంటుంటారు.

ప్రస్తుతం అడవిని తలపించేలా ఉన్న ఓ ఇంటి వీడియోను షేర్ చేశాడు జగపతి బాబు. ఆయన గేట్ తీసి లోపలికి ఎంట్రీ ఇవ్వగాని ఇల్లు కనిపించకుండా మొత్తం చెట్లు ఉంటాయి. పూల చెట్లు, పండ్ల చెట్లు, రుషుల విగ్రహాలను వీడియోలో చూడొచ్చు. అది మరెవరో ఇల్లు కాదు. జగపతి బాబు తల్లిదే. ఆమె అక్కడే నివసిస్తోంది.

‘‘ఈ ఇల్లు అడవిలా ఉంది అనుకోకండి. హైదరాబాద్‌లోనే ఉంది. మా అమ్మా ఇక్కడే ఉంటోంది. తనకు సింపుల్‌గా ఉండడం ఇష్టం. పానకం తాగాలనిపించింది. అందుకే అమ్మ దగ్గరకి వచ్చాను. చాలా రోజుల తర్వాత అమ్మ చేతి వంట తినబోతున్నాను. అమ్మ ఉండే ప్రదేశం ఒకే ఒక్క రూమ్. హ్యాపీగా ఉంటుంది. ఒక యోగి టైపులో సెటిల్ అయిపోయింది’’ అంటూ జగపతి బాబు వీడియోలో చెప్పుకొచ్చాడు. ప్రస్తుతం ఈ వీడియో సోషల్ మీడియాలో వైరలవుతోంది.

Share

• 
• 
• 
• 
• 
•