Asha: ‘ప్రేమకోసం’ సినిమాతో ఇండస్ట్రీలోకి అడుగుపెట్టింది హీరోయిన్ ఫ్లోరా సైనీ. బాలకృష్ణ హీరోగా వచ్చిన ‘నరసింహ నాయుడు’ సినిమాలో ‘లక్స్ పాప’ సాంగ్తో మంచి గుర్తింపు తెచ్చుకుంది ఈ అమ్మడు. తాజాగా తాను ప్రేమలో ఉన్నట్లు ప్రకటించినా ఫ్లోరా… అదే సమయంలో ఓ నిర్మాతపై సంచలన కామెంట్లు చేసింది.
20 ఏళ్ల వయస్సులో ఓ నిర్మాతతో ప్రేమలో పడ్డానని.. కొద్దిరోజులకే అతడు వేధింపులకు గురి చేయడం మొదలుపెట్టాడని వెల్లడించింది. సినిమాల్లో నటించ వద్దని బలవంతం చేసేవాడని.. తన ముఖం, ప్రైవేట్ భాగాలపై కొట్టేవాడని తెలిపింది. తన ఫోన్ లాక్కొని దాదాపు 14 నెలల పాటు ఎవరితో మాట్లాడనివ్వదలేదని చెప్పింది.
అతని వేధింపులు తట్టుకోలేక అతడి వద్ద నుంచి పారిపోయి కొన్ని రోజులు తల్లిదండ్రులతో ఉన్నానని వివరించింది. అతని వల్ల పొందిన శారీరక, మానసిక బాధ నుంచి బయటపడడానికి కొన్ని నెలలు పట్టిందని.. ఆ తర్వాత తిరిగి ఇండస్ట్రీలోకి వచ్చానని చెప్పింది. ప్రస్తుతం ఓ వ్యక్తితో మళ్లీ ప్రేమలో ఉన్నానని వివరించింది.