Hansika Marriage : అందం, అభినయంతో కుర్రకారు గుండెల్ని మెలిపెట్టిన హీరోయిన్ హన్సిక.. పెళ్లి బంధంతో కొత్త జీవితం ప్రారంభించనుంది. ప్రియుడు సోహైల్ ను హన్సిక వివాహం చేసుకోనుంది. జైపూర్ లోని ఓ రాజకోటలో వీరి వివాహం అంగరంగ వైభవంగా జరగనుంది. కుటుంబ సభ్యులు, సన్నిహితులు, స్నేహితుల సమక్షంలో ఈ వేడుక జరగనుంది. అయితే తన పెళ్లికి కొంతమంది విశిష్ట అతిథులకు కూడా హన్సిక ఆహ్వానించింది.
రాజకోటలో జరిగే పెళ్లికి ప్రత్యేక ఆహ్వానితులు అంటే పెద్ద సెలబ్రిటీలు అనుకోవడం సహజం. కానీ, హన్సిక ప్రత్యేకంగా పిలిచింది నిరుపేద చిన్నారులను కావడం విశేషం. హన్సిక తరచూ సేవా కార్యక్రమాల్లో పాల్గొంటుంది. పలు ఎన్జీవోలతో కలిసి నిరుపేద చిన్నారులకు సాయం చేస్తోంది. ఈ క్రమంలోనే తన వివాహానికి అలాంటి కొందరు చిన్నారులకు సైతం ఆహ్వానాలు పంపించి తన మంచి మనసు చాటుకుంది. పెళ్లికి తమని పిలిచిన హన్సికకు ధన్యవాదాలు చెబుతూ సదరు చిన్నారులు చేసిన ఓ వీడియో నెట్ లో వైరల్ గా మారింది.