Rashmika Mandanna : సోషల్ మీడియాలో నేషనల్ క్రష్ రష్మిక మందన్న ఫేక్ వీడియో తెగ చెక్కర్లు కొడుతోంది. ఈ వీడియోపై ఇప్పటికే ఎంతోమంది ప్రముఖులు స్పందించడంతోపాటు తమ ఆగ్రహాన్ని కూడా వ్యక్తం చేశారు. అంతేకాదు ఇలాంటివి చేస్తున్న వారిపై కఠిన చర్యలు తీసుకోవాలని అమితాబచ్చన్ దగ్గర నుంచి కేంద్ర మంత్రి వరకు పోస్టులు పెట్టారు. ఎవరో ఆకతాయిలు కావాలని రష్మిక ఫేస్ పెట్టి టెక్నాలజీ ఉపయోగించి ఈ వీడియోని క్రియేట్ చేసి సోషల్ మీడియాలోకి వదిలారు. 

టెక్నాలజీ పెరుగుతున్న కొద్దీ ఆకతాయిలు చేసే చేష్టలు శృతిమించుతున్నాయి. ఎవరో డీప్ ఫేక్ టెక్నాలజీ సహాయంతో రష్మిక మందన్న ఫోటోను మార్ఫింగ్ చేసి వీడియో తయారు చేశారు. ఇక ఈ ఫేక్ వీడియో వైరల్ కావడంతో రష్మిక అభిమానులు తమ అసహనాన్ని వ్యక్తం చేస్తున్నారు. ఈ విధంగా వీడియో చేయడంపై సినీ ప్రముఖులు ఆగ్రహం వ్యక్తం చేస్తున్నారు. ఇలాంటివి ఒక వ్యక్తి మానసిక స్థితిపై ఎంతో ప్రభావం చూపుతాయని.. అందుకే ఇలాంటి మార్ఫింగ్ వీడియోలు తయారు చేసే వారిపై కఠినమైన చర్యలు తీసుకోవాలని అందరూ తమ అభిప్రాయాన్ని వ్యక్తం చేస్తున్నారు.

వైరల్ అయిన వీడియో చూసి అందరూ స్పందించారు తప్ప రష్మిక వైపు నుంచి ఎటువంటి స్పందన లేకపోవడంపై మొదట్లో పలువురు తమ సందేహాలను వ్యక్తం చేశారు. అయితే రష్మిక ఈ సందేహాలకు తెరదించుతూ వైరల్ అవుతున్న తన వీడియో పట్ల స్పందించింది. టెక్నాలజీ అనేది మనిషి అభ్యుదయానికి ఉపయోగించాలి తప్ప ఇలాంటి వాటికి ఉపయోగించడం నిజంగా భయాన్ని కలిగిస్తోంది అంటూ ఆమె ఒక బహిరంగ లేఖ రాసింది.

“అసలు ఇలాంటి విషయం గురించి మాట్లాడాలి అంటే నాకు ఎంతో బాధగా ఉంది. సోషల్ మీడియాలో వైరల్ అవుతున్న నా డీప్ ఫేక్ వీడియో గురించి నేను ఇలా మాట్లాడాల్సి వస్తుంది అనుకోలేదు. నేనే కాదు.. టెక్నాలజీని దుర్వినియోగం చేస్తున్న ఈ కాలంలో ఎంతోమంది ఇలాంటి ఎదుర్కొంటున్నారు. ఈరోజు నేను ఒక నటిగా మాత్రమే కాదు మహిళగా కూడా మాట్లాడుతున్నాను. ఇటువంటి కష్ట సమయంలో నాకు అండగా నిలిచిన నా కుటుంబం ,స్నేహితులు ,శ్రేయోభిలాషులకు కృతజ్ఞతలు. ఇదే విషయం నేను స్కూల్ లేక కాలేజీ సమయంలో ఉన్నప్పుడు జరిగే ఉంటే అసలు నేను దీన్ని ఎలా తట్టుకోగలను అనే విషయం ఊహించాలంటేనే భయంగా ఉంది. ఇలాంటి వాటి బారిన ఎక్కువమంది పడక ముందే ఇటువంటి సమస్యలను పరిష్కరించడం మంచిది”అని ఆమె తన పోస్టులో పేర్కొంది. ప్రస్తుతం సోషల్ మీడియాలో ఈ పోస్ట్ వైరల్ అవుతోంది.

Share

• 
• 
• 
• 
• 
•