Niharika Divorce: నిహారిక జంటకు విడాకులు మంజూరు చేసింది కోర్టు. జూన్ 5నే విడాకులు వచ్చినా.. ఈ విషయం ఆలస్యంగా బయటకు వచ్చింది.
మే 19న పరస్పర అంగీకారంతో కూకట్పల్లి ఫ్యామిలీ కోర్టులో విడాకుల కోసం దరఖాస్తు చేసుకున్నారు నిహారిక, చైతన్య. హిందూ వివాహ చట్టం ప్రకారం విడాకులకు అప్లై చేశారు. విడాకులు మంజూరు చేసేందుకు ఆరు నెలల గడువు అవసరం లేదంటూ ఇటీవల సుప్రీంకోర్టు తీర్పు ఇవ్వగా.. ఆ మేరకు వారిద్దరికీ వెంటనే డైవర్స్ మంజూరు చేసినట్టు తెలుస్తోంది.
2020 డిసెంబర్ 9న నిహారిక, చైతన్యల పెళ్లి జరిగింది. రాజస్థాన్లోని ఖరీదైన ఉదయ్పూర్ ప్యాలెస్లో.. డెస్టినేషన్ వెడ్డింగ్ చేసుకున్నారు. హైదరాబాద్లో గ్రాండ్గా రిసెప్షన్ ఇచ్చారు. వారిద్దరి వెడ్డింగ్ వీడియోస్, ఫోటోస్ చూసి.. మేడ్ ఫర్ ఈచ్ అదర్ అనుకున్నారంతా.
కట్ చేస్తే.. పెళ్లైన కొద్దిరోజులకే కొత్త జంట మధ్య మనస్పర్థలు మొదలయ్యాయి. అవి మరింత ముదిరాయి. చాలాకాలంగా వారిద్దరూ ఒకరికొకరు దూరంగా ఉంటున్నారు. గతంలోనే ఇన్స్టాలో భర్త ఫోటోలను డిలీట్ చేసింది నిహారిక. అప్పటినుంచీ వారిద్దరూ విడిపోతున్నట్టు జోరుగా ప్రచారం జరిగింది.
అనుకున్నట్టుగానే.. వారిద్దరూ విడిపోయారు. మ్యూచువల్గా డైవర్స్కు అప్లై చేయడంతో ఫ్యామిలీ కోర్టు విడాకులు ఇచ్చేసింది. ఇకనుంచి మిసెస్ నిహారిక కాస్త.. మిస్ నిహారిక కొణిదెల.